Kulli Dooritte Isik Dadlisak Geytimta Baaxo

Itiyoppiya Baad Caddol Mango Diplomasih Aydaadu Mangoh Tan Mamaxxaga Le Baad Caddoh Exxaxi Ginteh Tan Yaakume Aydaadu Le Baaxo Kinni.

Mango Udduruh Le Aydaadi Currino Kee Afrika Kee Baad Gudgudittel Data Marih Xongolo Akah Takkennah Tet Xiqsisse.

Baad Caddo Kee Dariifal Isi Raat Daffesak Itiyoppiya Ta saakih Caddo Gufteh Geytimta.

Dumaahi Agattiinah Eglaay, Awayih Uddur Galli Maroh Eglaay, Dumaahi Afrikah Inkittiinoh Eglaay, Awayih Afrikah Eglaay, Baad Banki kee Baadak Maaliyyah Eglaay, IGAD, COMESA, kee BRICS Adoytah Tan Baaxo kinni.

Maddur Nagay Baadak Qadaaga Lih Tasgoorowuh Baadak Kabxah Eglat Tangaluh San Gufteh Geytimta Taham Itiyoppiya Qaran Guba Kee Dariifah Caddol Le Esterateji Doori Teetik Tayballe.

Itiyoppiya Luk Sugte Aydaadu kee Diplomasih Doori Nablewaka 1923 Lig Of Nevensini Eglat Tengele.

Tama Egla Ecella Inteh Kalah 1945 Egla 51 Xisse Baaxoxak Tiyak Tiya Akkuk Inki Dibuk Tan Data Afrikah Baaxok Sugte.

Baadak Qadli Cukmih Buxa (ICJ) Galli Maroh Egla Xissimte wak sittaluk Faaticisen Wak Itiyoppiya Tet Xisseh Tan Baaxooxak Tiyak Teenak Sugte.

Itiyoppiya sanat 1963 Addis Ababal Afrikah Inkittiinoh Egla (OAU) xissimte wak miraaciini Dooril Abte Doori Awayih uddur Afrikah Inkiinoh Eglak Kutbeh Buxak Daffeyna Tekkeh Geytimta.

Dumaahi Aydaaduk Dagom Ta Caddol a ublek Itiyoppiya Xayi Udduruh Qidaddo Kee Siyaasa Fantaxawitte Xisse Baaxoxah Adoytah Tan.

Itiyoppiya Baad Caddol Birikis Fayya Le Maduur Buttat Tengeleh Tanim Kee Tahak Ugut Abak Baad Qidaddo Kee Ardi Siyaasah Caddol Leh Tan Raat Osisak Geytimta.

Baadak Kabxah Eglat Angaluk Kabxxah Siirat Baad Caddol Akah Yakkennah Mango Sanootah Walal Gexsit Gabakaltuh Nagay Taamitak Geytimta.

Itiyoppiya Uxih Dariifa Inkittinaane Kee Amni Doori Akah Takkennah Maqarluk Taamitak Geytimtaah, Tah Kaadu Salaam Dacayriiy, Ayro Ayro Mawqa Kee Gabbi Qaxih Afrika Lih Taamitak Geytimta.

Itiyoppiya Galli Maroh Egla Salaam Dacayrih Caylittel Ruubanamaal Naharsi Doori Digirta Baaxoxak Tiyak Tiya Kinni.

Tahalak Kuuriyay,Kongoy,Ruwanda,Laybeeriya Kee Soodanay Gabbi Soodanal Mango Doori Digirte

Dariifa salaam, saay, kee daddos caagidih taamitta ayro mawqah afrikah daddos bankih Saqolinna kee adoytiinu kinniimih taagah kaxxa doori le baaxo kinni.

Itiyoppiya Ayro Mawqa Kee Gabbi Qaxih Afrikah Sittalluk Abit Qadaagah Addat Qidaddo Angaaraw Diggoysoonuh Dariifa Baaxooxa Lih Taamitak Geytimta.