Naharsi Malaak Dr Abiyyi Acmad Itiyoppiyah Qunxaaneytah Xayyose Seecol 5 Milliyon Itiyoppiya Koderis Inishitivit Akah Yangalen Innih Seeco Kee Karmah Uddur Gaba kapamak Naharal Edde Yangale Marih Qadad 7 Milliyon Akah Gufusan Innah Xayyosen Baaxoh Caddoh Seexok Ugutak Naharsi Malaakih Kutbeh Buxah Kobahissol Inishitiv Wagittamal Aydakakan Taddera Gexsiisen.
Tama Bical Ta Luddih Miroctiy Mamaxxaga Le Inishitivittey Tu Taaxagaoy Kee Qunxaaneyti Mehrat Leela Inkittinaanel Yasgoorowe.
Ta Tadeera Elle Tabsan Gudgud Bicisak Xijitan Itiyoppiya 2030 Ajenxah Abini Xijitan Duddih Daddosul Doori Digire.
Ta Tadeera Artifisal Intelejensil Hangi Kah Yeceen Mayballa Wacaysir Qimbimteeh, Tohuk Lakal Naharsi Malaakih Kutbeh Buxak Maybalaalaqa Kutbe Buxah Saqal Billene Seyoum Fakkenti Yab Yece.
Ta Biiroh Saqal Elle Qaddosennalaay Qunxaneyti Metteebanni kee Xijitan Duddite Baaxoh Caddol Faximtah Tan Gadda Kinnim kee Naharsi Malaak Seeco Abtol Asisak Koderis Ixxima 7 Miliyoonul Karmah Uddur Akah Guddusan Innah Seeco Xayyosse.
Ciggiilak yekke walal affara mihrat leela 5 milyoonih ityoppiyah kooxer uguugus wagsiisak ken abak raag kee mabla tabsen.
Panalistitte:-Inovashion Kee Teknologih Malaakih Fayu Abeena Dr Abeyot Baye Geero Naharsi Taama Seleena Betelhem Desse Tonnah Inishitiv Doqaysimeena Taddase Kee Teknologi Taama Hadaleena Mahler Seyyum Elle Geytimte.
Ta Gudgudul Edde Tengele Maritte Kee Qunxaaneyti Sarimanele Isini Dudda Akah Yaysiisen Innah Abtol Hangi Akah Yallennah Abak Geytimaanam Kee Itiyoppiyak Xijitan Dariifa Siirat Daddal Kee Qusbaamih Addat Isinni Doori Akah Digran Innah Aydukumusen.
Qunxaaneyti Edde Yengele mari Dijital Dudda Wagittaamal Esseroora Xayyoosak Gacsitte Geyeenih Inkih Tan Taddera Fakut Tan Walal Kee Abak Raag Tabsiyyih Addat Sugte.
Ta Abakraag Tabaatabsi 5 Milyoonih Itiyyobiyah Koder Uguugus Xijitan Duddite Dadlisanam kee Agat Tabaatabsa Yasissikenimih Faximtah Tan Doori Qagitaak Yasmitenimi Kinni.