Qafar Rakaakay Ganuun Gitat Afa Baaxok Taam Tamlo Diggoysoonuh Taamitak Geytiman

Addis Ababa, Waysuk 21, 2018 (FMC) Qafar Rakakay Baaxo Xaylo Afa Baaxok Taama Tamlo Gaanun Gital Dibuk Akah Geyan Innah Hangi Acayuk Elle Taamitak Geytimaanam Qafar Rakaakayak Taama Kee Duddi Biiro Qaddosse.

Biiro Saqalah Yan Acmad Ibrahim:- Gaanuunuk Iroh Yakke Afa Baaxok Taama Safar Baaxo Xaylol Rooci Kee Dagaral Kaxxa Qawwalayla Kataasak Geytimam.

Tama Biiro Gaanuunuk Iroh Yakke Safar Kalaloonuy, Gaanuunuk Tan Taama Tamlo Abbinoosak Geytimanam Yescessen.

Faxe Baaxo Xaylok Fayxi Kee Gaar Dacrissa Gaanun Doorit Dibuk Antiffiqimuk, Isinnih Qawwalaylak Kalaloonuy Buxa Mara Kaaduk Bohoyuk Dacrisaanam Faxximtam Kassiise.

Rakaakay Doolay, Ta Langih Baxsa Le Hangi Acayuk, Faxxiima Qokol Abak Geytimam Tama Saqal Faana Miidiya Korporeeshinih Qaddoose.

Baaxo Xaylo Kulli Caddol Geytimta Fanteenitil Aydakakan Akah Beyan Innah Abak, Gaar Kee Dirki Isinnik Aaxaguk Taama Akah Culan Innh Akkuk Geytimtam Baxxaqse.

Tama Biirok Ciggiltâ Saqalâ Gifti Casna Macammad Is Le Katuk Intemihi :-Gaanuunuuk Iroh Sinam Iro Baaxo Fanah Rubaanamaak Ugut Abak, Mangoh Tan Ayyuntiino Kee Maddur Taqbitteh Gadda Akkuk, Qabursi Caddol Tanim Sayyo Kinni Qaddosse.

Tah Kinnuuk, Sayyo Tannah Tan Qawwalayloik Isinnih Akah Dacrisan Innah, Afa Baxoh Taama Tamlo Gaanun Gitat Dibuk Abaanam Faxximtam Diggosse.

Doolat Taturteh Tan Dago Sanootah Addat Baaxo Xaylok Gaaray,Kunnabna Kee Tuxxiq Sarrimaane Le Gurral Keenih Akah Daccarsimannah, Cogda Le Pooliisi Maaqatta Akak Beyak Abinal Asisak Geytimam Tescesse.

Sayyo Taamah Bicteh Tan Baar Le Saamittet Meqennal Antiffiqimuk, Mihrat Dudda Isinnik Diggoysak Tonnah Qalaalaanam Akah Xiiqan Innah Bohoyuk Currik Yan Ganuunul Afa Baaxok Taama Tamlo Akah Yangalen Innah Seeco Tatrusse.

Qali Shumbacri