Qafar Rakaakayak Ciggiila Prezdenti World Vision Xiqsitta Meqem Abittoh Eglak tiyoppiyah Awalayto Miraacissa Erga lih Walale.
Addis Ababa,Waysu 1,2018 (FMC) Qafar Rakaakayak Ciggiila Naharsi Saqalay Ardi Xiinissoh Saqal Gifta Qumar Nuur Qarba World Vision Xiqsitta Meqem Abittoh Eglak Itiyoppiyah Awalaytoh Tan Gifti Karmen Till Miraacissa erga Isi Kutbeh Buxal Arcibisak Walalise.
Tama walal World Vision xiqsitta meqem Abittoh Egla Qafar Rakaakayal Abak Geytimta taamoomi kee Baxsa luk Ta Egla Yamaate Koona Sanatih Addat Axcih ilaa farangi loowok Sanat 2030 fan Qafar Rakaakayih Caddol 516,751 Takke Alaaqa Hanaawisoonu kee Kalah tan Lagittel Aboonu Waan Taamoomi Wagittaamal Kutuub elle Xayyoosak, Xayyooweh yan kutuubul Rakaakayak wagittah tan Biiroorah Miraaciini Baxaabaxsa le Mablooli elle ugusak Walaleeniik Lakal Sittin Gey Aben.
Tama Walal Rakaakayak Ciggiila Naharsi Saqalay, Ardi Biiro Saqal Gifta Qumar Nuur Qarba World Vision Qafar Rakaakayal leey, Qaafiyatay, Baritto kee Kah Tan Langittel Meqe Taamoomi Abak temeetem Ascassuk, Awak Kaadu Qusba Gurral Beera Baaxo Nagartu Waytah tan 516, 751 takke Alaaqa haawisak taamitoonuh ittingey Abeenih Yaniinim Yescesse.
Rakaakay Doolat Kaadu isi Caddol Alaaqa hanaawisaanamal Baxaabaxasa le Taamoomi Abak geytimam kee Ta Egla Abtu wayta toommoomil xaqut keenik gacak ken Qokle loonum Ascassuk sinni kee Qafar Ummattah Migaaqal Gadda keenih Gacsaamih farmo Tatruse.
Tama Erga Miraacisak Temeeteh tan World Vision Itiyoppiyah Awlaytoh tan Gifti Karmen Till World Vision Qafar Rakaakayal Abak Geytimtah tan taamoomik Ossotinah, Tamaatu Wayta Sanootah Addat 516,751 takkeh tan Alaaqa Hanaawisaanamih taama Abeloonum Asacassuk, Kalah Kaadu Qusba Cugaysoosa Amaateleemih taagah, itta lih Walalak Taamite loonum Qaddosse.
Ellacabol Tama Egla yamaate koona Sanatih Addat Abtu wayta Taamoomih Sittin Gey Abenim Rakakayak Mangaffa Rettimah Oyti Yascasse.