Rakaakay Ayyuntih Antifiqimiyyal Yambulle Xaloot Baahak Geytimta Labbat Ayfaafayih Taama Maqarroowak Gexele
Addis Ababak,Waysuk 12,2018 (FMC) Qafar Rakaakayal Ayyunti Antifiqimiyyal Yambulle Xaloot Baahak Geytimta Labbat Ayfaafayih Taama Maqarroosak Gexeloonum Rakaakayak Qunxaaneytay, Qaada Kee Dagar Diig Biiro Tiysixxige.
Qafar Rakaakayak Mangoh Tan Ummatta Garab Dacarsittoh Kee Dacarsittoh Xiina Kinnuuk Kulli Liggidal Karmah Uddur Takkeh Tan Labbat Ayfaafih Taamoomi Dariifah Ayyuntak Ayyuntiino Kee Qidaddo Coocittte Kiboonuh Kaxxa Doori Lem Qaddoose.
Baxsa Luk Rosqa Milaaguy, Lee Waytooy, Tonnah Fanaak Takkeh Tan Gino Qawwalayla Duudak Sarrimaane Le Daddos Bahoonuh Qunxaaneyta Kee Ayyunta Oggoysimiyya Le Gurral Faxxiimah Yan Ayfaf Acayuk Geytimaanam Qaddoose.
Rakaakayak Qunxaaneytay, Qaada Kee Dagar diig Biirok Ciggiila Saqal Qumar Macammad Elle Yescessennal Rakaakaya Labbat Ayfaafih Taddeeral Ayyuntak Antifqimiyyal Yambulluyeh Yan Milaagi Baahak Dadalisak Geytimaanam Baxxaqisem.
Labbat Ayfaafih Taddeerah Abbinoosiyyal Yayseh Yan Xaloot Elle Amballayuk Geytimam Ascassuk Asanatih Karmah Alsitteh Labbat Ayfaafal 17luddal Maqarroowak Gexse Loonum Qaddoose.
400Alfik Takkeh Agat Xaylo Edde Tangalu Waytah Tan Asanatih Karmah Labbat Ayfaafal Algin Raatih Taddeeray,Taraafik Amnih Ayfaafay ,Qabli Mataccayow, Buxaaxih Asqussubiyyay, Barittoh Ayfaafih Caddol Takku Waytah Tan Taamoomi Edde Anuk Kinnim Qaddoosem.
Qafar Rakaakayal Labbat Ayfaafih Taama Udduruk Uddurul Ossiimak Geytimtam Ascassuuk Asanatih Karmah Takku Waytah Tan Taamoomil 900Alfi Takkeh Tan Ayyunti Exxaaxi Edde Antifiqimelem Qaddoose.