Sugeeti kee Wacaysir Luddal Hangi Elle Yacoonu Duudan Sidoc Takkoh Sittin Gey Yekke

Addis Ababa,Waysu 10,2018 (FMC) Itiyoppiyak Daaran Dacayrih Miracay,Samara Jaamiqat Kee Qafar Rakakayak Wacaysir Biiro Sugeeti Kee Wacaysir Ludday Baritto Kee Qusaaqatl Rekuh Tan Xaloot Le Taamal Sittallih Elle Taamitaanam Duudan Sidoc Takkoh Sittin Geyil feera Wara Tabatabsen.

Tama Sittin Geyih Addat Barittoy,Abini Kusaqay,Duddi gablussoy,Dacayari Taamay,Sugeeti Aroocah maqnisso Kee Xayyosuy,Tonnah Sarrimaane Le Wacaysir Daddos Edde Anuk Exxaxih Exxigay,Gadda kee Abak Raag Asgalluk mangoh tan Tuxxiq le Taamomi Sittallih Taamitaanam Elle Duudan caagida Addat yabbixe Sittin geyi Aben.

Tama Sittin Geyi Baxsaluk Qafar Rakakayak Daaran Rakiiboh Hangi Tace Barittoy,Fokkaqo Kee Sarrimaane Daddosul Steratejih Hangi Cayuk Baar Leh Tan Daaran Fokkaqoh Steratejik Tan Abtoh Hangi Yaceenim Akkelem Qaddosen.

Ossotinah Qaddaqaral Arkeologih Luddih barittoh Buxa (Archeology Field School in Hadar) Fakanamay,Samaral Palentologih Kusaaqih Fanteena (Paleontology research and collection center in Samara) Fakanama Sittingey Elle Yekke Alhumih Addat Yan.

Sidoc Takko Sittin Geyih Aracal Turuzim Malaakak Ciggila Malaakay Tonnah Samara Jaamiqatak Bordi Kobaahisey,Itiyoppiyak Daraan Miraacak Naharsi Dayrekter C/Professer Abebaw Ayyaley,Samara Jaamiqatih Prezdenti Dr Macammad Qusman Kee Qafar Rakakakayak Wacaysir Biirok Ciggila saqal Adan Cabanna Elle Geytimak Sittin Gey Gali Elle Daffesen.

Habib Adam