ሕዳሴ ግድብ የአሁኑ ትውልድ በሃሳብ ታግሎ ያሸነፈው አንጸባራቂ ድል ነው – ምክትል ጠቅላይ ሚኒስትር ተመስገን

Melaku Gedif

6 hours ago

አዲስ አበባ፣ መስከረም 12፣ 2018 (ኤፍ ኤም ሲ) ታላቁ የኢትዮጵያ ሕዳሴ ግድብ የአሁኑ ትውልድ በላብ፣ በደም እና በሃሳብ ታግሎ ያሸነፈው አንጸባራቂ ድል ነው አሉ ምክትል ጠቅላይ ሚኒስትር ተመስገን ጥሩነህ፡፡

ምክትል ጠቅላይ ሚኒስትሩ በማህበራዊ ትስስር ገጻቸው ባሰፈሩት ጽሑፍ ÷ የቀደመ የስልጣኔ ቀለምና ዐሻራ ዛሬ ድረስ ያደመቃት ሐረር የዚህ ትውልድ አሻራ በሆነው ሕዳሴ ግድብ መጠናቀቅ የልማት ድል ሰልፍ አድርጋለች ብለዋል።

ሕዳሴ በትውልዶች ሁሉ በታላቅ የቃል ግርማ የሚነገር፤ የአሁኑ ትውልድ በላብ፣ በደም እና በሃሳብ ታግሎ ያሸነፈው አንጸባራቂ ድል መሆኑን አውስተዋል፡፡

በሕዳሴ ግድብ የታየው የመቻል ምልክት፣ የትብብር ውጤትና የአብሮነት ጉልበት እንደ ሐረር ላሉ በሰላምና ተከባብሮ መኖርን መሰረት ላደረጉ ክልሎች ትልቅ ዕሴትን ይጨምራል ሲሉም ተናግረዋል፡፡

ሐረር የዚህ የልማት ድል ነጋሪ ብቻ ሳይሆን ተጋሪ መሆኗን በጀመረቻቸው ልማቶች እያሳየች ትገኛለች ነው ያሉት፡፡

ፈጣን እና ወቅታዊ መረጃዎችን ለማግኘት፡-