የእንስሳት ልማትና የእንስሳት ተዋጽዖ ላይ ያተኮረ አውደ ርዕይ ተከፈተ

Melaku Gedif

9 hours ago

አዲስ አበባ፣ ጥቅምት 20፣ 2018 (ኤፍ ኤም ሲ) ከ5 ሺህ በላይ የምስራቅ አፍሪካና ዓለም አቀፍ ሀገራት ጎብኚዎች የሚሳተፉበት የእንስሳት ልማትና የእንስሳት ተዋጽዖ ላይ ያተኮረ አውደ ርዕይ በሚሊኒየም አደራሽ ተከፍቷል።

ከዛሬ ጀምሮ ለሶስት ተከታታይ ቀናት በሚካሄደው አውደ ርዕይና ጉባኤ ከ14 ሀገራት የተወጣጡ ከ100 በላይ የእንስሳት ሃብት ዘርፍ ተዋናዮች፣ የሀገራት አምባሳደሮችና የዘርፉ ባለሙያዎችም ይሳተፉበታል።

ሁሉን አቀፍ የእንስሳት እርባታ ቴክኖሎጂ፣ ግብዓትና መፍትሄዎች ላይ ትኩረት የሚያደርገው አውደ ርዕይ፤ የእንስሳት ሀብት የገበያ ሰንሰለቶችን እና የኢንቨስትመንት እድሎች ለማስተዋወቅም የሚያግዝ ነው ተብሏል።

በተጨማሪም በዘርፉ ውጤታማ ከሆኑ ሀገራት ልምድ ለመለዋወጥና ተሞክሯቸውን ለመቅስም እንደሚያግዝ ተመላክቷል።

መንግስት በሰጠው ትኩረትና በሌማት ትሩፋት ኢኒሼቲቭ የአራት ዓመት ፕሮግራም የወተት፣ የእንቁላል፣ የዶሮ ስጋ እና የማር ምርቶችን በከፍተኛ ደረጃ ለማሳደግ ግብ አስቀምጦ እየተንቀሳቀሰ እንደሆነ ተጠቁሟል።

በታምራት ደለሊ
ፈጣን እና ወቅታዊ መረጃዎችን ለማግኘት፡-