ቀዳማይ ሚኒስትር ኣቢይ ኣሕመድ(ዶ/ር) ኣብ መኽፈቲ ስነ-ስርዓት ሃገራዊ ጉባኤ ዘተ ኢትዮጵያ ዘልዓልዎም ቀንዲ ነጥብታት

ዝኾነ ጉዳይ ኣብ ውሽጥና እኳ እንተፈላለየና ከምዚ ዝኣመሰለ ዘተ ብምክያድ ፀገማትና ክንፈትሕ ይግባእ።

ምሽጢር ፅንዓትና ኣብ ሽምግልና፣ ምዝርራብ፣ ይቕረታን ካሕሳን ዝተመስረተ እዩ። እዚኣቶም ሳይንስ ብቐሊሉ ክምርምሮም ወይ ክትክኦም ዘይክእል ዓቢ ሃብትን ተሞክሮን እዮም።

ኣብ ኢትዮጵያ ጎንፂ እንተተፈጢሩ ብምዝርራብን ብይቕረታን እዩ ዝፍታሕ። እዚ ባህሊ ምዝርራብን ይቕረታን ኢትዮጵያ ኣፅኒዑዋ እዩ።

እዚ ሃገራዊ ዘተ ጉባኤ ኣብ ባህሊ ምዝርራብን ይቕረታን ዝተመስረተ እንተኾይኑ ንዓና ጥራይ ዘይኮነስ ንዝመፅኡ ብዙሓት ዓሰርተታት ዓመታት ዝፀንሕ መሰረት ከንብር ይኽእል።

ካብ ባህልና፣ መንነትናን ታሪኽናን ከይተፈለና ብፍቓድ፣ ብፍቕርን ስምዒት ሓላፍነትን እዚ ዘተ እንተኣካይድና ብዘይ ጥርጥር ደቅና ዝማዕበለትን ዝፀንዐትን ኢትዮጵያ ክወርሱ ይኽእሉ።

ባህልና ምስ ኣብ ትሕቲ ዋርካ ምእካብ ይመሳሰል። ስለዚ እዩ “ዋርካ ንትከል፣ ተስፋ ንትከል፣ ብሓባር ምቛምና ነፅንዕ” እንብል።

ማንም ከይተጎድአ ሓባራዊ ሕቶታትና ብምልዓል ክንመኻኸር ይግባእ። ከምዚ ዝኣመሰለ መድረኽ ብዘይምክያድና ብዙሓት ወገናትና ከቢድ ዋጋ ከፊሎም እዮም።

ብትዕግስቲ ግዛቸው