ትግበራ መርሃ ግብሪ ትሩፋት ሌማት ዞባ ጅማ ተሞክሮ ዝውሰደሉ ኢዩ

ኣዲስ ኣበባ፣ 13 ግንቦት፣ 2017 (ኤፍ ኤም ሲ)ኣብ ዞባ ጅማ እናተወገነ ዝርከብ ትግበራ መርሃ ግብሪ ትሩፋት ሌማት ዝበረታታዕን ተሞክሮ ዝውሰደሉን ከምዝኾነ ርእሳነ ምምሕዳር ክልላት ገሊፆም።

ኣብ ዝሓለፉ ትሽዓተ ኣዋርሕ ትሩፋት ሌማት፣ ስግግር ስርዓተ ምግቢን ግምጋም ኣፈፃፅማ ኮሚሽን ኣመራርሓ ስራሕ ድሉውነት ሓደጋ ዝተፈላለዩ ሓለፍቲ ስራሕ ፌዴራልን ክልልን ኣብ ዝተረኸቡሉ ተኻይዱ።

ተሳተፍቲ እቲ መርሃ ግብሪ ኣብ ወረዳታት ዞባ ጅማ ብትሩፋት ሌማት ዝተወገኑ ልምዓት መዓር ዘበናዊ ቆፎ ንህቢ፣ ኣቮካዶ፣ ልምዓት ተኸላ ሙዝ፣ ምድላው ፈልሲ ቆፅሊ ሻሂን ምርባሕ ደርሆን እንቋቑሖን ዝበሉ ምንቅስቓሳት ተዓዚቦም።

ርእሰ ምምሕዳር ክልል ደቡብ ኢትዮጵያ ጥላሁን ከበደ÷ “ኣብቲ ዞባ ኢኒሼቲቭ ትሩፋት ሌማት ብትሑረት እናተተግበረ ከምዝኾነ ተዓዚብና” ኢሎም።

እቲ ዞባ ዘለዎ ምቹው ሃፍቲ ተፈጥሮ ብምጥቃም ፍርያት ንምፍራይ ዝተውሃቦ ትኹረት ሓዊሱ ዘሎ ምንቅስቓስ ትሩፋት ሌማት ተሞክሮ ዝውሰደሉ ከምዝኾነ ገሊፆም።

ርእሰ ምምሕዳር ክልል ሲዳማ ደስታ ሌዳሞ ብግደኦም÷ “ኣብ ትሩፋት ሌማት ዞባ ጅማ ብዙሓት ዓይነታት ፍርያት ዕዉት ስራሕ ከምዝተሰርሐ ተዓዚብና” ኢሎም።

ዝተዓዘቡዎም ዘበናዊ ኢኒሼቲቭ ቆፎ ንህቢ፣ ልምዓት ኣቮካዶን ካልኦትን ስራሕቲ ትሩፋት ሌማት ተስፋ ዝህቡን ተሞክሮ ዝውሰደሎምን ከምዝኾኑ ገሊፆም።

ኣብ ክልል ሲዳማ ዝተፈላለዩ ስራሕቲ ትሩፋት ሌማት ብትኹረትን ብልዑል ክትትል እናተሰርሑ ከምዝኾ ብምሕባር÷ በዚ ድማ ዝተማለአ ስርዓት ኣመጋግባ ንኽህሉ ፃዕሪ እናተገበረ ከምዝርከብ ምግላፆም ግዜኢ ፀብፂቡ።