Finfinnee, Adoolessa 10, 2018 (FMC) – Walitti bu’iinsi Ameerikaa fi Iraan irra deebiin eegalame hammaatee itti fufeera.
Kanaanis Ameerikaan halkan 6ffaaf Iraanirratti haleellaa cimaa raawwatte.
Haleellaan kun maddeen anniisaa, buufataalee Baaburaa dabalatee bu’uuraalee misoomaa Siiviiliirratti kan qiyyeeffate ta’uu aanga’oonni Iraan ibsaniiru.
Qaamoleen lamaan ulaa Hoormuuz to’achuuf qabsoo guddaarra kan jiran yoo ta’u, Ameerikaan itti fufiinsaan Iraan haleelaa jirti.
Haleellaan raawwatamaa jiru humna waraanaa Iraan akkaan dadhabsiisurratti kan qiyyeeffate ta’uu Ajajni Giddugalessaa Ameerikaa ibseera.
Iraan gama isheen buufataalee waraanaa Ameerikaa naannawichatti argamu haleelaa jiraachuu BBC’n gabaaseera.
Paakistaan Ameerikaa fi Iraan gidduutti jaarsummaa taa’uuf carraaqqiin gootu sababoota waldhabdeen dabalaa dhufeen qormaanni akka mudate ibsite.
Immabeet Sisaayiin
#Oromia #Ethiopia