ሓደራ ህዝቢ ዝሓለወ መንግስቲ መደመር

ህዝቢ ነዞም ውፅኢታት ልምዓት ከም ዝተቐበሎም ካብ ዘረጋገፀሉ መንገድታት ሓደ፤ ንፓርቲ ብልፅግና ተወሰኽቲ ሓሙሽተ ዓመታት ሃገር ንኽመርሕ ድምፁ ዝሃበሉ 7ይ ሓፈሻዊ መረፃ ይፅራሕ።

ኣብ 7ይ ሓፈሻዊ መረፃ ፓርቲ ብልፅግና ኣብ ባይቶ ወከልቲ ህዝቢ ዝበዝሐ ወንበር ብምዕዋት መንግስቲ ንምምስራት ዘኽእሎ ድምፂ ምርካቡ ይዝከር።

ኣብ ዝሓለፉ ሓሙሽተ ዓመታት መንግስቲ መደመር ካብ ትግበራ ምምሕያሽ ማክሮ ኢኮኖሚ ጀሚሩ ኣብ ብዝሃ ዘፈራት ኢኮኖሚ ሰፊሕ ስራሕቲ ልምዓት ኣካይዱ።

ንክፍለ ኢኮኖሚ ሕርሻ ሃገር እታ ሃገር ካብ ባህላዊ ኣፈራርያ ናብ ዘበናዊን መፍረያይነት ዘለዎን ሜላ ኣሰራርሓ ብምስግጋር፤ ብፍላይ ኣብ ልምዓት መስኖ ስርናይ ሓጋይ ካብ ወፃኢ ዝኣቱ ስርናይ ብምትራፍ፣ ንውሽጣዊ ጠለብ ምሽፋንን ናብ ጎረባብቲ ሃገራት ምልኣኽን ተኻኢሉ።

ኣብ ገጠር ፓርክታት ኢንዱስትሪ፣ ቀረብ ዘበናዊ ዱኽዒን ሜካናይዜሽን ሕርሻን ዝተገበሩ ኢንቨስትመንታት ድማ ፅሬት ፍርያትን መፍረያይነትን ኣዕብዮም።

ኣብ ዓውዲ ኢንዱስትሪ ዓቕሚ ማኑፋክቸሪንግ ብምዕባይ ዕድላት ስራሕ ብምፍጣርን ንንግዲ ወፃኢ ብምስፋሕን ላዕለዋይ ትኹረት ተዋሂቡ።

ፍሉያት ዞባታት ኢኮኖሚ ፓርክታት ኢንዱስትሪ ኣብ ዘፈራት ጨርቀመርቂ፣ ኣልባሳትን ምፍራይ መድሓኒትን ቀጥታ ወፃኢ ኢንቨስትመንትን ክስሕቡ ክኢሎም።

ኣብ ሓለዋ ከባቢን ልምዓት ኢኮኖሚን ምትእስሳር ብምፍጣር፤ ብቢልዮናት ዝቑፀሩ ፈልሲ ብምትካል ምጉሕጓሕ መሬትካብ ምክልኻል ብተወሳኺ ንሓለዋ ከባቢን ንዜጋታት ዕድል ስራሕን ኣበርክቶ ገይሮም።

ከም መኣዲ ንሸገር፣ መኣዲ ንሃገርን መኣዲ ንወለዶን ዝበሉ ስራሕቲ ልምዓት ቱሪዝም ኣብ ረብሓ ዘይወዓሉ ዓቕሚታት ቱሪዝም ብምጥቃም መሰረተ ልምዓት ብምስፋሕ ካብ ምህናፅ ምስሊ ሃገር ብተወሳኺ እቲ ዓውዲ ንኢኮኖሚ ዘበርክቶ ኣስተዋፅኦ ኣዕብዮም።

ኣብ ኣዲስ ኣበባን ኣብ ናይ ክልል ከተማታትን ዝተኻየዱ ስራሕቲ ልምዓት ኮሪደር ፅባቐ ከተማታትን ኣገልግሎት መትራንስፖርትን ህዝቢ ካብ ምምሕያሽ ብተወሳኺ ንነዊሕ እዋን ዝግበር ኢኮኖሚዊ ዕቤት መሰረት ኮይኖም።

ዓብዪ ግድብ ህዳሰ ኢትዮጵያ ንኢንዱስትሪታት ዝሕደስ ሓይሊ ካብ ምቕራብ ብተወሳኺ ንጎረባብቲ ሃገራት ሓይሊ ኤሌክትሪክ ብምቕራብ ዝርከብ እቶት ኣዕብዩ።

ንተወሳኺ ሓሙሽተ ዓመታት ሃገር ንኽመርሕ ብዲሞክራሲያዊ መረፃ ድጋፍ ህዝቢ ዝረኸበ መንግስቲ መደመር፤ ንዝተመዝገቡ ዓወታት ብምቕጻል ዓቕሚ ወሰንቲ ትካላት ብምዕባይ ረብሓ ህዝቢ ኣብ ዘረጋግፁ ስራሕቲ ትኹረት ገይሩ ክሰርሕ እዩ ዝብል ትፅቢት ኣሎ።

ብምህረት ደምሴ