መመሓየሺታት ኢኮኖሚ ውፅኢት የምፅኡ ኣለዉ

ኢትዮጵያ ኣብ ኣፍሪካ ቅልጡፍ ዕብየት ኢኮኖሚ ካብ ዘመዝግባ ሃገራትን ብዙሕ ህዝቢ ካብ ዘለወን ሃገራትን ቅድሚት ትስራዕ እያ።

እታ ሃገር ዝጀመረቶ ኩለመዳይ ጉዕዞ ምዕባለ ንምቅልጣፍ ቀጥታ ኢንቨስትመንት ወፃኢ ዝፃወቶ ግደ ብምርዳእ፣ ዝተዋደደን ሱር ቦቆልን ምምሕያሻት ኢኮኖሚ እናተግበረት ፀኒሓ እያ።

ቀደም ክብል ንሰብ ሃፍቲ ወፃኢ ዕፁዋት ዝነበረ ዓውዲታት ንግዲ ብምኽፋት፣ መሰረተ ልምዓት ብምስፍሕፋሕን ሕጋዊ ማዕቐፋት ብምምሕያሽን ዝተገበረ ፃዕሩ ፃዕሪታት ጭቡጣት ዓወታት እናመዝገቡ ይርከቡ።

ምህዳር ኢንቨስትመንት እታ ሃገር ሰሓቢ ንኽኸውን መንግስቲ መንግስቲ ብዙሓት ደፋር ስጉምትታት ፖሊሲ ወሲዱ እዩ።

ናፃነት ዕዳጋን ምምሕያሽ ሸርፊ ወፃኢን ብዝተሰርሐ ስራሕ፤ ብሄራዊ ባንኪ ኢትዮጵያ መጠን ሸርፊ ወፃኢ ብዕዳጋ ክውሰን ብምግባሩ ክፍፍል ትርፊ ሰብ ሃፍቲ ናብ ሃገሮም ናይ ምምላስ ስግኣት ብልዑል ብርኪ ፈቲሑ።

ንነዋሕቲ ዓመታት ንውሽጢ ሃገር ጥራሕ ተወሲኖም ዝነበሩ ከም ባንኪን ፋይናንስን፣ ጅምላን ችርቻሮን ንግዲ፣ ከምኡ እውን ዓወታት እታወት ወፃኢ ንግዲ፣ ንፈለማ እዋን ንሰብ ሃፍቲ ወፃኢ ክፍቲ ተገይሮም እዮም።

ፍሉያት ዞባታት ኢኮኖሚን ፓርክታት ኢንዱስትሪን ትኹረት ተዋሂብዎም ብሰፊሑ ተስፋሕፊሖም እዮም።

ሓይሊ ኤሌክትሪክ፣ መገዲን ቅልጡፍ ናይ ጉምሩክ ኣገልግሎታት ኣብ ሓደ ማእከል ዘቕርቡ ዘበናዊ ናይ ኢንቨስትመንት ዞባታት ተሃኒፆም እዮም።

ናብ ውሽጢ ሃገር ንዝኣትዉ ናይ ካፒታል ንብረታት፣ ካብ ቀረፅ ጉምሩኽ ምሉእ ናፃነት ተዋሂቡዎም፤ ከከምዓውዲ ስረሖም ካብ 4 ክሳብ 6 ዓመታት ዝፀንሕ ናይ ግብሪ እፎይታ ተዋሂቡ እዩ።

እዞም ኩለመዳይ ፃዕርታት ብብርኪ ዓለም ተወዳዳራይነት ኢትዮጵያ ዘዕበዩ እንትኾኑ፣ ካብዚ ብተወሳኺ ጭቡጣት ውፅኢታት ኢኮኖሚ እውን ተመዝጊቦም።

እዚ ድማ ንኢትዮጵያ ኣብ ኣፍሪካ ቀዳመይቲ መብፅሒት ኢንቨስትመንት ክትከውን ገይርዋ እዩ።

ኣብዚ በጀት ዓመተ ጥራሕ 528 ሓደሽቲ ፍቓዳት ኢንቨስትመንት ዝተውሃቡ እንትኾኑ፤ ካብ ሞንጎ እዚኣቶም ልዕሊ 260 ፕሮጀክታት ኣብ ሓፂር እዋን ናብ ህንፀትን ምፍራይን ተሰጋጊሮም።

ብመንግስቲ መደመር ዝተወሰዱ ደፋራት ምምሕያሻት ፖሊሲን ዝተሃንፁ መሰረተ ልምዓታትን እምነት ዓለም ኣቀፍ ማሕበረሰብ ንግዲ እንደገና ክምለስን ክጠናኸርን ገይሮም እዮም።