𝐈𝐧𝐢𝐬𝐡𝐞𝐞𝐭𝐢𝐯𝐢𝐢 𝐈𝐧𝐝𝐚𝐬𝐭𝐢𝐫𝐢𝐢 𝐆𝐨𝐝𝐨𝐨, 𝐀𝐤𝐤𝐚 𝐁𝐮’𝐮𝐮𝐫𝐚 𝐂𝐞’𝐮𝐦𝐬𝐚 𝐈𝐧𝐝𝐚𝐬𝐭𝐢𝐫𝐢𝐢 𝐎𝐫𝐨𝐦𝐢𝐲𝐚𝐚𝐭𝐭𝐢

Finfinnee, Caamsaa 13,2018(FMC) – Inniisheetiiviin indaastirii godoo bu’uura ce’umsa indaastiriiti jedhan pirezidaantiin mootummaa naannoo Oromiyaa Obbo Shimallis Abdiisaa.

Obbo shimallis ergaa fuula miidiyaa hawaasummaa isaaniin dabarsaniin, dameen kun yeroo dheeraaf akka hojii harkaa-gara-afaanii jeejee itti dabarfachuuf qofa hojjatamuutti ilaalamaa turuu ibsan.

Kunis humna omishaa guddaa maatiifi gandoota keenya keessa jiru akka hinijaarreefi hinfayyadamne akkasumas ogummaafi dhaweessummaan akka hindagaagne taasiseeras jedhan.

Indaastiriin godoo har’a hojii xiqqaafi bittinnaa’aa miri kqn jedhan obbo Shimallis, Mootummaan Naannoo Oromiyaa damee kana akka bu’uura ce’umsa indastiriifi birmadummaa dinagdee Oromiyaatti olkaasuu ibsan.

Jijjiiramni kun dubbii qofaan osoo hintaane, hojii 𝙞𝙟𝙖𝙖𝙧𝙨𝙖 𝙨𝙞𝙧𝙣𝙖𝙖 irratti hundaa’een mirkanaa’aa jiraachuus kaasaniiru.

Guutuun ergaa isaanii akka kanatti aanutti dhiyaateera:

𝐈𝐧𝐢𝐬𝐡𝐞𝐞𝐭𝐢𝐯𝐢𝐢 𝐈𝐧𝐝𝐚𝐬𝐭𝐢𝐫𝐢𝐢 𝐆𝐨𝐝𝐨𝐨: 𝐀𝐤𝐤𝐚 𝐁𝐮’𝐮𝐮𝐫𝐚 𝐂𝐞’𝐮𝐦𝐬𝐚 𝐈𝐧𝐝𝐚𝐬𝐭𝐢𝐫𝐢𝐢 𝐎𝐫𝐨𝐦𝐢𝐲𝐚𝐚𝐭𝐭𝐢

𝙃𝙖𝙬𝙖𝙖𝙨𝙣𝙞 𝙤𝙢𝙞𝙨𝙝𝙪 𝙝𝙞𝙧𝙚𝙚 𝙞𝙨𝙖𝙖 𝙤𝙛𝙞𝙞𝙣 𝙢𝙪𝙧𝙩𝙚𝙚𝙛𝙛𝙖𝙩𝙖!

Yeroo dheeraaf indastiriin godoo akka hojii harkaa-gara-afaanii jeejee itti dabarfachuuf qofa hojjatamuutti ilaalamaa ture. Kunis humna omishaa guddaa maatiifi gandoota keenya keessa jiru akka hinijaarreefi hinfayyadamne akkasumas ogummaafi dhaweessummaan akka hindagaagne taasiseera.

Har’a garuu kallattiin sun jijjiirameera. Indastiriin godoo har’a hojii xiqqaafi bittinnaa’aa miti. Mootummaan Naannoo Oromiyaa damee kana akka bu’uura ce’umsa indastiriifi birmadummaa dinagdee Oromiyaatti olkaaseera. Jijjiiramni kun dubbii qofaan osoo hintaane, hojii 𝙞𝙟𝙖𝙖𝙧𝙨𝙖 𝙨𝙞𝙧𝙣𝙖𝙖 irratti hundaa’een mirkanaa’aa jira.

Damichi hudhaalee hedduun kan guutameefi sadarkaa daran gadaanaarra ture. Garuu sodaannee hinteenye. Bara 2012 irraa eegallee imaammataafi tarsiimoo bocuun, waggoota afuriif haala dandeessisoo uumu irratti hojii baldhaa hojjetaa turreerra. Bu’uuruma kanaan:

 𝙎𝙝𝙚𝙚𝙙𝙤𝙩𝙖𝙖𝙛𝙞 𝙬𝙞𝙞𝙧𝙩𝙪𝙪𝙡𝙚𝙚 𝙬𝙖𝙡𝙞𝙣𝙞𝙞 baldhinaan ijaarree, omishtoota kilaastaraani gurmeessineerra.

 𝘽𝙖𝙖𝙣𝙠𝙞𝙞 𝙎𝙞𝙞𝙣𝙦𝙚𝙚 waliin ta’uun, hojii rakkoo madda faayinaansii furuuf raawwanneen, har’a liqii baankichi dhiyeessu keessaa %75 𝙡𝙞𝙦𝙞𝙞 𝙭𝙞𝙭𝙞𝙦𝙦𝙖𝙖 akka ta’u taasifneerra.

 𝙎𝙞𝙞𝙣𝙦𝙚𝙚 𝙇𝙞𝙞𝙯𝙞𝙞 hundeessuun, dhiyeessii 𝙢𝙚𝙚𝙨𝙝𝙖𝙖𝙡𝙚𝙚 𝙠𝙖𝙖𝙥𝙥𝙞𝙩𝙖𝙖𝙡𝙖𝙖𝙛𝙞 𝙩𝙚𝙠𝙣𝙤𝙤𝙡𝙤𝙟𝙞𝙞 salphisaa jirra.

• Ji’oota kurnan darban qofa waldaalee/𝙞𝙣𝙩𝙖𝙧𝙥𝙞𝙧𝙖𝙖𝙮𝙞𝙯𝙤𝙤𝙩𝙖a 𝟴𝟯𝟲 ta’aniif meeshaalee kaappitaalaa 𝟲,𝟱𝟬𝟮 birrii 𝙗𝙞𝙡. 𝟯’tti dhiyaatu ittibahe karaa dhaabbata kanaa dhiyeessineera.

• Walumaagala, hanga ammaatti waldaalee/𝙞𝙣𝙩𝙖𝙧𝙥𝙞𝙧𝙖𝙖𝙮𝙞𝙯𝙤𝙤𝙩𝙖a 𝟮,𝟴𝟰𝟬 ta’aniif meeshaalee kaappitaalaa 𝟭𝟯,𝟭𝟴𝟱 birrii 𝙗𝙞𝙡. 𝟱.𝟳 ittibahe dhiyeessuun danda’ameera.

• Dabalataanis, guyyoota muraasa booda 𝙬𝙖𝙡𝙙𝙖𝙖𝙡𝙚𝙚 𝟮𝟮𝟰 ta’aniif meeshaalee kaappitaalaa 𝟭,𝟬𝟲𝟯 karaa ‘Siinqee Liizii’ kan dabarsinu ta’a.

 Sirna 𝙡𝙚𝙚𝙣𝙟𝙞𝙞 𝙤𝙜𝙪𝙢𝙢𝙖𝙖𝙛𝙞 𝙙𝙝𝙖𝙬𝙚𝙚𝙨𝙨𝙪𝙢𝙢𝙖𝙖 diriirsuun, daldaltoota, omishtootaafi dhaweessitootaaf sadarkaa garaagaraatiin leenjii kennaa jirra; akkasumas 𝙙𝙝𝙖𝙬𝙚𝙚𝙨𝙨𝙪𝙢𝙢𝙖𝙖𝙛𝙞 𝙤𝙜𝙪𝙢𝙢𝙖𝙖𝙣 𝙨𝙞𝙧𝙣𝙖 𝙗𝙖𝙧𝙣𝙤𝙤𝙩𝙖𝙖 keessatti akka hammataman taasifneerra.
 𝙎𝙖𝙜𝙖𝙣𝙩𝙖𝙖 𝙬𝙖𝙡𝙙𝙤𝙧𝙜𝙤𝙢𝙢𝙞𝙞𝙛𝙞 𝙗𝙚𝙚𝙠𝙖𝙢𝙩𝙞𝙞 dhaweessitootaafi kalaqeessitootaa dhaabbataan gaggeessuu jalqabneerra.

‘𝙄𝙣𝙞𝙨𝙝𝙚𝙚𝙩𝙞𝙫𝙞𝙞 𝙄𝙣𝙙𝙖𝙨𝙩𝙞𝙧𝙞𝙞 𝙂𝙤𝙙𝙤𝙤’ keenya bara 2012 irraa eegalee baldhinaan hojiitti kan galchine bu’uura cimaa kanarra dhaabbaneeti. Sochiin kunis jijjiirama qabatamaa galmeessisaa jira.

Bara jalqabaa (2016) keessa namoota 𝟮,𝟱𝟬𝟳 𝙦𝙤𝙛𝙖𝙖𝙛 hojii uume ture.
Har’a garuu 𝙨𝙚𝙠𝙩𝙖𝙧𝙤𝙤𝙧𝙖 𝟭𝟮’n, 𝙨𝙝𝙚𝙚𝙙𝙤𝙩𝙖 𝟯𝟳,𝟱𝟯𝟴 ijaaruun 𝙠𝙞𝙡𝙖𝙖𝙨𝙩𝙖𝙧𝙤𝙤𝙩𝙖 𝟵,𝟱𝟵𝟰 jalatti gurmeessineerra.
Kanaanis lammiileen 𝙢𝙞𝙡. 𝙩𝙤𝙠𝙠𝙤𝙤fi 𝗸𝘂𝗺𝗮 𝟭𝟱𝟬 caalaniif carraa hojii umameera.
Ogeeyyifi dhaweessitoota miliyoonaan lakka’aman horachaa jirra.

Guddinni kun lakkoofsa qofa miti; sirna ijaaramaa jirudha. Dargaggoonni hojii argachaa jiru; dubartoonni hirmaannaa dinagdee keessatti qaban cimsachaa jiru; maatiin galii isaanii fooyyessaa jiru. Hundaa’ol, ogummaafi dhaweessummaa lafa kufee ka’aa jira. Haata’uutii, jijjiiramni guddaan isa kana caalu, 𝙟𝙞𝙟𝙟𝙞𝙞𝙧𝙖𝙢𝙖 𝙮𝙖𝙖𝙙𝙖𝙢𝙖 irratti dhufaa jirudha.

𝙄𝙣𝙙𝙖𝙨𝙩𝙞𝙧𝙤𝙤𝙢𝙨𝙖 𝙊𝙧𝙤𝙢𝙞𝙮𝙖𝙖 (industralization of Oromia) alaa eeguu dhiifnee, keessaa ijaaruu jalqabneerra. Qabeenya naannawaa, ogummaa aadaa ummataafi humna hojii keessoo keenya irratti hundaa’uun, 𝙗𝙪’𝙪𝙪𝙧𝙖 𝙞𝙣𝙙𝙖𝙨𝙩𝙞𝙧𝙞𝙞 𝙠𝙖𝙖’𝙖𝙖𝙛𝙞 𝙙𝙞𝙣𝙖𝙜𝙙𝙚𝙚 𝙤𝙛𝙙𝙖𝙣𝙙𝙖’𝙚𝙚 𝙞𝙟𝙖𝙖𝙧𝙖𝙖 jirra. Indaastirii Godoo haajennu malee, gosoonni hojii marti intarpiraayizoota xixiqqaafi guddigaleessaa maashinoota xixiqqaafi giddugaleessaa fayyadamaniin gaggeeffamaa jira.

Amma imalli keenya gara gulantaa ittaanuutti ce’uu qaba. Indastirii godoo babaldhisuu qofti gahaa miti. Gama tokkoon qulqullina omishaa olkaasuu, walitti hidhamiinsa gabaa cimsuufi gara sirna omishaa dorgomaa ta’etti ceesisuun murteessaadha. Gama birootiin, intarpiraayizoota kanniin gara omisha meeshaalee kaappitaalaatti ceesisuun humna indastirii jabaafi qindaa’aa uumuun barbaachisaadha. Ergamni kun ammoo kan mootummaa qofa osoo hintaane, ergama qooda fuudhattoota misooma Oromiyaa hundaati.

Walumaagalatti, mootummaan keenya ogummaafi dhaweessummaa hawaasa keenyaa keessumaa dargatootaa dagaagsuun imala jalqabame kana gara sirna indastirii jabaafi ofdanda’eetti ceesisuuf haaragalfii malee kan hojjatu ta’a.

Hawaasa ogummaa qabu, dhaweessa ta’eefi omishu hiree ofii ofiin murteessa!