Finfinnee, Onkoloolessa 11, 2019 (FMC) – Taphoota CBE piriimeer Liigii Itiyoophiyaa torbee 3ffaan Nageellee Arsiin Bunni Itiyoophiyaa injifate.
Tapha har’a waaree booda sa’aatii 9:00 eegalee Istaadiyeemii Finfinneetti taphatameen Nageellee Arsiin galchii 3 fi 0’n Buna Itiyoophiyaa injifachuun injifannoo jalqabaa bara kanaa galmeessera.
Gabramasqal Dubbaalaa, Daawiit Taffaraa fi Kooliinsi Kofiin Nageellee Arsiif galchii tokko tokko lakkoofsisaniiru.
Kana hordofee Nageelleen sadarkaa isaa gara 2ffaatti fooyyeffateera.