ህንፀት ባህሊ ዴሞክራሲ ንዘላቒ ሰላም

ኣዲስ ኣበባ፣14 መስከረም፣ 2019 (ኤፍ ኤም ሲ) ህንፀት ባህሊ ዴሞክራሲ ዘላቒ ሰላም፣ ማዕርነትን ልምዓትን ንምርግጋፅ ኣዝዩ ኣገዳስን ቀፃልን ከይዲ እዩ።

እዚ ከይዲ ኣብ ልዕልነት ሕጊ ዝተመስረተ፣ መሰረታዊ መሰላት ዜጋታት ዘኽብርን ንኹሎም ዝሓቁፍ ስርዓት ንምፍጣር ዝዓለመን እዩ።

ዴሞክራሲ መረፃ ብምክያድ ብሕገ-መንግስቲ ጥራይ ዝውዳእ ኣይኮነን፤ ሓቀኛ ዴሞክራሲ ዝህነፅ ብለውጢ ባህልን ኣተሓሳስባን ህዝቢ ምዃኑ ይእመን።

ኣብ ኢትዮጵያ ዘላቒ ባህሊ ዴሞክራሲ ንምህናፅ ዝግበር ጉዕዞ ብዙሓት ታሪኻውን መሓውራዊን ብድሆታት ዘለዎ እኳ እንተኾነ፣ ክሳብ ሕዚ ዓብዩ ትኹረት ዝደልን ሃገራዊ ምርግጋእ ንምምፃእ ዝሕግዝን እዩ።

ኣብ ታሪኽ ፖለቲካ ኢትዮጵያ ንነዊሕ እዋን ሰላምን ምርግጋእን ከይሰፍን ካብ ዝገበሩ ቀንዲ ምኽንያታት ሓደ ንተፈጥሮ ብዝሃነት ኢትዮጵያ ብትኽክል ዝሰማማዕ ዴሞክራሲያዊ ስርዓት ዘይምህናፅ እዩ።

ኢትዮጵያ ዴሞክራሲ ስምምዕነት ከም እንኮ ዘላቕን መፍትሒ መንገዲ ወሲዳ ኣብ ፍልስፍና መደመር ብሓባር ክንዕወት ንኽእል ዝብል መሰረት ሓደ ዜጋ እውን ካብ ጠረጴዛ ወፃኢ ከይተርፍ ንምግባር እዩ።

ኣብ ሃገራዊ ዘተ ዝተነበረ ፅኑዕ መሰረትን መደመር መንግስቲ ዘርኣዮ ቆራፅነትን ዴሞክራሲ ስምምዕ ኣብ ሰነድ ጥራይ ዝተወሰነ ዘይኮነ ኣብ ሕግን ትካላትን ደረጃ ዝፀንዐ ንኽኸውን ገይርዎ እዩ።

ኣብ ኢትዮጵያ ፖለቲካዊ ምህዳር ብምስፋሕ ዴሞክራሲያዊ ስርዓት ናይ ምህናፅ ባህሊ ናብ ሓድሽ ምዕራፍ እናተሰጋገረ ይርከብ። ምህናፅ ዴሞክራሲያዊ ስርዓት ሓላፍነት ሓደ ትካል፣ ሓደ ፓርቲ ወይ ሓደ ወለዶ ጥራይ ዘይኮነ ናይ ሓባር ሓላፍነት እዩ።

ክብርታት ዴሞክራሲ ምዕባይን ምስራፅን፣ ንፖለቲካዊ ምህዳር ብምስፋሕ ኩሎም ድምፅታት ምእታው ከምኡ ውን ምስ ተወዳደርቲ ፓርቲታት ጥዑይ ውድድር ብምክያድ ኣብ ሓባራዊ ረብሓ ብሓባር ምስራሕ ቀዳምነት ዝወሃቦም ኣንፈታት ትኹረት እዮም።

ምህናፅ ባህሊ ዴሞክራሲ ብሓደ መዓልቲ ዝውዳእ ኣይኮነን መንግስቲ፣ ፖለቲካዊ ፓርቲታት፣ ሲቪክ ማሕበራትን ነፍሲ ወከፍ ዜጋን ሓባራዊ ቆራፅነት ዝሓትት ናይ ነዊሕ ግዜ ከይዲ እዩ።

ብሓፈሻ ምህናፅ ባህሊ ዴሞክራሲ ብፅቡቕ ፍቓድ ሓደ ፖለቲካዊ ፓርቲ ወይ ብምምሕያሽ ሕገ-መንግስቲ ጥራይ ዝመፅእ ኣይኮነን።

እቲ ከይዲ መንግስቲ፣ ፖለቲካዊ ፓርቲታት፣ ኣቦታት ሃይማኖት፣ ዓበይቲ ዓዲን ነፍሲ ወከፍ ዜጋን ሓባራዊን ቀፅልን ቆራፅነት ይሓትት።

ኢትዮጵያ ካብቶም ዝተረጋገፁላ ታሪኻውን መሓውራውን ብድሆታት ሓሊፋ ሰላማ ዝተሓለወ ንኽትከውን ኣብ ዘተን ምክእኣልን ዝተመስረተ ባህሊ ዴሞክራሲ ምህናፅ ኣገዳሲ መንገዲ እዩ።

ብትዕግስት ግዛቸው