ኣዲስ ኣበባ፣ 23 ጥቅምቲ፣ 2019 (ኤፍ ኤም ሲ) ኣብ ክልል ትግራይ ደሞዝ ሰራሕተኛታት መንግስቲ ካብ ዕለት 30 ጥቅምቲ 2019 ዓ.ም ጀሚሩ ክኽፈል እዩ ኢሉ ምምሕዳር በዓል ሓደራ እቲ ክልል።
ዋና ፈፃሚ ስራሕ ቁጠባን ዳግመ ህንፀትን ምምሕዳር በዓል ሓደራ እቲ ክልል ቴዎድሮስ ኣረጋይ (ዶ/ር)፤ ምስ ፋና ሚድያ ኮርፖሬሽን ኣብ ዝገበርዎ ፃንሒት ክፍሊት ደሞዝ ንምፍፃም ምድላዋት ፋይናንስ ከምዝተካየደ ገሊፆም።
ኣብ ስራሕ ቦትኦም ተረኺቦም ስራሕ ምጅማሮም ሪፖርት ንዘቕረቡን ብሕጋዊ ኣገባብ ኣብ ትካላት መንግስቲ ተቖፂሮም ንዝሰርሑን ሰራሕተኛታት ደሞዝ ከምዝኽፈል ኣብሪሆም።
እቲ ክፍሊት ደሞዝ ምጅማሩ፣ ኣብቲ ክልል ስራሕቲ ትካላት መንግስቲ ዳግም ንምጅማርን ተበፃሕነት ንምጥንኻርን ካብ ዝግበሩ ፃዕርታት ሓደ ምዃኑ እውን ሓቢሮም።
ትካላት ዳግም ናይ ምጥያሽን ኣገልግሎታት ከይዲ ምምሕያሽን ከምኡ እውን ኣብ ከተማ መቐለ ኣገልግሎት ዲጂታል መሶብ ሓደ ማእኸል ንምጅማር ዝግበሩ ምድላዋት እውን እናተጠናኸሩ ምዃኖም ኣመልኪቶም።
ኣብ ዝሓለፉ ዓመታት ኣብ ክልል ትግራይ ኣብ ዝተፈላለዩ ዘፈራት ብዘጋጠመ ዕንወት ዝተቛረፁ ኣገልግሎታት ዳግም ንምጅማር ኣብ ዝግበር ዘሎ ፃዕሪ፣ ሰራሕተኛታት ትካላት ናብ ቦታ ስርሖም ተመሊሶም ኣገልግሎት እናሃቡ ከምዝርከቡ ገሊፆም።
ትካላት ትምህርቲ ስራሕቲ ምምሃርን ምምሃርን ንኽጅምሩ፣ ቤት ፅሕፈታት መንግስቲ ስራሕተን ንኸካይዳን ዝተቛረፁ መሰረታዊ ኣገልግሎታት ንኽምለሱን ዝተፈላለዩ ስራሕቲ ከምዝተኻየዱ ኣረዲኦም።
ኣገልግሎት ኤሌክትሪክ፣ ማይ፣ ባንክን ኢንተርኔትን ዳግም ንምጅማር ዝተገበሩ ፃዕርታት ብምሕባር ኣብዚ እዋን ኣብታ ከተማ እቶም ኣገልግሎታት ብምሉእ ዓቕሞም እናሃቡ ከምዝርከቡ ኣብሪሆም።
ኣብ ዝመፅኡ ክልተ ሰሙናት ካብቲ ዝተሰርሐ ስራሕቲ ብምንቃል፣ ዝሓሸ ቅልጣፈን ፅሬትን ኣገልግሎት ንምርግጋፅ ከምዝስራሕ ኣረጋጊፆም።
ብግዛቸው ግርማዬ