ሃማስ እስራኤላውያን ተዓገትትቲ ምስዳድ ጀሚሩ

On Oct 13, 2025 2

ኣዲስ ኣበባ፣ 3 ጥቅምቲ፣ 2018 (ኤፍ ኤም ሲ)ሃማስ እስራኤላውያን ተዓገትትቲ ምስዳድ ጀሚሩ።

እቶም ተዓገትቲ ዝተሰደዱ እስራኤልን ሃማስን ቀዳማይ ዙር ትልሚ ሰላም ጋዛ ስምምዕነት ምግባሮም ስዒቡ ኢዩ።

ብመሰረት እዚ ሃማስ ክሳብ ሐዚ ብህይወት ዘለዉን ሎሚ ዝስደዱን 20 እስራኤላዊያን ተዓገትትቲ ዝርዝር ስም ዕላዊ ገይሩ።

ኣብዚ ሐዚ እዋን ድሕሪ ክልተ ዓመታት ፃንሒት ማዕገትትቲ ናይ መጀመሪያ 7 ተዓገትቲ ናብ ሃገሮም ምምላሶም ሰራዊት ምክልኻል እስራኤል ኣረጋጊፁ።

ዝተረፉ 13 እስራኤላዊያን ተዓገትትቲ ንምርካብ ዓለም ለኸ ማሕበር ቀይሕ መስቀል ኣብ ደቡብ ጋዛ ከምዝርከብ ቢቢሲ ፀብፂቡ።

እስራኤል ድማ ልዕሊ 1 ሺሕን 950 ፍልስጤማዊያን እሱራት ንምስዳድ ምድላዋ ከምዝዛዘመት ተገሊፁ።

ፕሬዚዳንት ኣሜሪካ ዶናልድ ትራምፕ ድሕሪ ኣብ መንጎ እስራኤልን ሃማስን ዝተገበረ ስምምዕነት ደው ምባል ተዂሲ ናብ እስራኤል ቴል ኣቪቭ ምእታዎም ይዝከር።

ብመላኩ ገድፍ

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!