ሎሚ ንኣገልግሎት ክፍቲ ዝኾኑ ፕሮጀክታት ምንቅስቓስ ንግዲ ብልዑል ብርኪ ዘሳልጡ ኢዮም

ኣዲስ ኣበባ፣ 29 ሰነ፣ 2017 (ኤፍ ኤም ሲ)ብምምሕዳር ኣዲስ ኣበባ ተሃኒፆም ሎሚ ንኣገልግሎት ክፍቲ ዝኾኑ ፕሮጀክታት ምንቅስቓስ ንግዲ ብልዑል ብርኪ ዘሳልጡ ኢዮም ኢለን ከንቲባ ኣዳነች ኣቤቤ፡፡

ብልዕሊ 11 ቢሊየን ብር ዝተሃነፁ 13 መገዲታትን 8 ድልድል መሰረተ ልምዓትን ብሓፈሻ 21 ፕሮጀክታት ተመሪቖም ንኣገልግሎት ክፍቲ ኮይኖም።

ከንቲባ ኣዳነች ኣቤቤ፥ እቶም ፕሮጀክታት ብፍላይ ወሳኒ ምንቅስቓስ ንግዲ ብልዑል ብርኪ ዘሳልጡ ኢዮም ኢለን።

ብፍላይ ናይ ቃሊቲ-ቱሉ ዲምቱን ቂሊንጦ-ቃሊቲ መገዲታት ድልድይ ኣብ መተሓላለፊ ንግዲ ወፃኢን ኣታዊን ዝፍጠር ምንቅስቓስ ብምቕናስ ንግዲ ኣብ ምስላጥ ልዑል ኣስተዋፅኦ ዘበርከተ ኢዩ ኢለን።

እቶም ፕሮጀክታት ብኣገልግሎት ካርጎ ኣውሮፕላን ቦሌን ጉምሩክ ቃሊቲ ከምኡውን ፓርክታት ኢንዱስትሪን ብዙሓት ፋብሪካታትን ኣብ ዝርከብዎም ከባቢታት ዝተሃነፁ ከምዝኾኑ ገሊፆም።

እቶም ፕሮጀክታት ዝተፈላለዩ ፍሪያታት ኣብ እዋኑ ንምብፃሕ ካብ ምኽኣሎም ብተወሳኺ መዕርፎ ነፈርቲ ቦሌ፣ ፕሮጀክት ቦሌን ኣዲስ ዓለም ለኸ ኮንቬንሽን ማእኸልን ሓዊሱ ብዙሓት መሰረተ ልምዓታት ዘተኣሳሰሩ ከምዝኾኑ ገሊፀን።

ብሃይለማርያም ተገኝ

ስሉጥን እዋናዊን ሓበሬታ ንምርካብ፦

Website www.fanamc.com/tigrigna
Facebook kwww.facebook.com/tigrignafana

YouTube www.youtube.com/@fmctigrigna
Telegram t.me/tigrignafana ይከታተሉና፡፡

ኩሉ ግዘ መሳና ስለዝኾንኩም ነመስግን!