ሓፈሻዊ ኣሰራርሓ ልምዓት ኮሪደር ንመፃኢ እዋን ተስፋ ዝህበና ኢዩ – ቀዳማይ ሚኒስትር ኣቢይ ኣሕመድ (ዶ/ር)

ኣዲስ ኣበባ፣ 24 ነሓሰ፣ 2017 (ኤፍ ኤም ሲ)ሓፈሻዊ ኣሰራርሓ ልምዓት ኮሪደር ንመፃኢ እዋን ተስፋ ዝህበና ኢዩ ኢሎም ቀዳማይ ሚኒስትር ኣቢይ ኣሕመድ (ዶ/ር)።

ቀዳማይ ሚኒስትር ኣቢይ ኣሕመድ (ዶ/ር) ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ኣብ ቀዳማይ ምዕራፍ ብኣርባዕተ ኮሪደራት ጀሚርና ኣብ ካልኣይ ምዕራፍ ናብ ሸሞንተ ኮሪደራት ቀፂልና ኢሎም።

ዝተዛዘመን 12.74 ኪሎ ሜትር ንውሓት ዘለዎን ካብ ኣዲስ ኮንቬንሽን መእከል-ጎሮ-ቪአይፒ ኤርፖርት ኮሪደር ሎሚ ከምዝረኣዩ ገሊፆም።

እቲ ኮሪደር 29 ኪሎ ሜትር መገዲ እግረኛን 15.27 ኪሎሜትር መግንሒ ብስክሌትን ከምዘለዎ ሓቢሮም።

እቲ ስራሕ ሰፋሕቲ መገዲታት መካይን፣ ካብ ጎሮ ክሳብመዕርፎ ነፈርቲ ቦሌ ማረፊያ ሓዱሽ መገዲ ከምኡውን ኣብቲ ከባቢ ሰፋሕቲ ልምዓት ወሓዚ ሩባ ዘካተተ ኢዩ ኢሎም።

ሸውዓተ ስፖርት ማእከላት፣ ደው መበሊ መኪና፣ ናይ ታክሲን ኣውቶቡስን መናሃሪያ፣ ካፌታት ወዘተ ከምዘለዎ እውን ገሊፆም።

እቶም ስራሕቲ፥ ዕድል ስራሕ ኣብ ምፍጣር፣ መራኸቢታት ኣብ ምስፋሕ ኣበርክቶ ከምዝገበሩ ተዛሪቦም።

ብድምሩ ኣሰራርሓ ልምዓት ኮሪደር ንመፃኢ እዋን ተስፋ ዝህበና ኢዩ ኢሎም ቀዳማይ ሚኒስትር ኣቢይ ኣሕመድ (ዶ/ር)።