Fana: At a Speed of Life!

ሕቶ ኣፍደገ ባሕሪ ኢትዮጵያ ንምምላስ ዝግበር ፃዕሪ ቀፂሉ ኣሎ- ኣምባሳደር ጀማል በከር (ዶ/ር)

ኣዲስ ኣበባ፣ 21 ሕዳር፣ 2018 (ኤፍ ኤም ሲ)ኢትዮጵያ ብሽርሒን ዘይሕጋዊ መገዲን ዝሰኣነቶ ኣፍደገ ባሕሪ ብሰለማዊ መገዲን ብድርድርን ንምምላስ ፃዕራ ኣጠናኺራ ቀፂላ ኣላ ኢሎም ኣምባዳሰር ኢትዮጵያ ኣብ ሕቡራት ኤሚሬትስ ዓረብ ጀማል በከር (ዶ/ር)፡፡

እቶም ኣምባሳደር ምስ ተወከልቲ ማሕበራት ልምዓት ኢትዮጵያዊያን ማሕበረሰብ ኣብ ኣቡዳቢን ዱባይን ኣብ ዝነበሮም ፃንሒት፥ ኢትዮጵያ መርኣያ ምዕባለ ኣፍሪካ ዕላዊ ብዛዕባ ዝተገበሩ ሜጋ ፕሮጀክትታትን ሰፊሕ መብርሂ ሂቦም።

ብመሰረት እዚ ኣብ ምዝዛም ዓብዪ ግድብ ህዳሰ ኢትዮጵያ ዝተጀመረ ሓዱሽ ምዕራፍ ብራኸ ሃገርና ኣብ ፋብሪካ ዘመናዊ ዱኽዒ፣ ፍሪያት ተፈጥሮ ጋዝ ከምኡ ‘ውን ብሚሊየናት ዝቑፀሩ ኣባይቲ ሀንፀት ተጠናኺሩ ቀፂሉ ኣሎ ኢሎም።

ኢትዮጵያ ብሽርሒን ዘይሕጋዊ መገዲን  ኣፍደገ ባሕሪ ምስኣና ብምግላፅ፥ ብሰለማዊ መገዲን ድርድርን ሕቶ ኣፍደገ ባሕሪ ንምምላስ ዘለዋ ፃዕሪ ኣጠናኺራ ከምዝቐፀለት ተዛሪቦም።

ስሉጥን ተለዋዋጥን ኣብ ዝኾነ ህልዊ ኩነታት ዓለም  ዲፕሎማሲና ኣብ ብሄራዊ ረብሓ ካብ ምኩሻም ወፂኡ ናይ ሃገርናን ኣፍሪካን ተደማፅነት ናብ ምዕባይ ከምዝተሳገረ ገሊፆም።

 

ስሉጥን እዋናዊን ሓበሬታ ንምርካብ፦

Website www.fanamc.com/tigrigna

Facebook FBC Tigrigna

YouTube www.youtube.com/@fmctigrigna

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!

 

 

You might also like

Leave A Reply

Your email address will not be published.