ቀዳማይ ሚኒስትር ባሃማስ ኣዲስ ኣበባ ኣትዮም

On Sep 6, 2025 4

ኣዲስ ኣበባ፣ 1 ጳጉሜን ፣ 2017 (ኤፍ ኤም ሲ) ቀዳማይ ሚኒስትር ባሃማስ ፊሊፕ ዳቪስ ኣብ ካልኣይ ጉባኤ ማሕበረሰብ ኣፍሪካ ካሪብያን ንምስታፍ ኣዲስ ኣበባ ኣትዮም።

እቶም ቀዳማይ ሚኒስትር ኣብ ዓለም ለኸ መዕርፎ ነፈርቲ ቦሌ እንትበፅሑ ሚኒስትር ዲኤታ ጉዳያት ወፃኢ ኣምባሳደር ብርሃኑ ፀጋየ ኣቀባብላ ገይሮምሎም።

ካልኣይ ጉባኤ ማሕበረሰብ ካሪብያን ኣፍሪካ ሎሚ ኣብ ኣዲስ ኣበባ “ዘርዓ- ኣፍሪካውያን ንኣፍሪካውያን ምክሕሓስን ፍትሒ ንምድላይን ኣህጉራዊ ምሕዝነት” ብዝብል መሪሕ ሓሳብ ኣብ ኣዲስ ኣበባ ክካየድ እዩ፡፡

እቲ ጉባኤ ኣብ ሞንጎ ሃገራት ኣፍሪካን ካሪብያንን ዘሎ ምትሕብባር ደቡብ-ደቡብ ርክብ ብምጥንኻር፣ ኣፍሪካ ካብ ሃገራት ካሪቢያ ዘለዋ ርክብ ናብ ጥንኹር ኢኮኖሚ ዲፕሎማሲያዊ ምትሕብባር ንምዕባይ ዘኽእል እዩ ተባሂሉ ትፅቢት ይግበር፡፡

ከምኡ እውን ኣብቲ ጉባኤ ናይ ዓለም ስርዓተ ፋይናንስ፣ ቱሪዝም፣ ሰብኣዊ መሰላት ዝኣመሰሉ ጉዳያት ክዝቲ እዩ።

ብኣሸናፊ ሽብሩ

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!