ብዘይካ ህብረ ብሄራዊ ሓድነት ሰለማዊን ልምዓታዊን ጉዕዞ ምግባር ኣይከኣልን -ቀደማይ ሚኒስትር ኣቢይ ኣሕመድ(ዶ/ር)

ኣዲስ ኣበባ፣ 21 ሕዳር፣ 2018 (ኤፍ ኤም ሲ)ኢትዮጵያ  ህብረ ብሄራዊ ሓድነት ዘለዋ ሃገር እንተዘይኮይና ሰለማዊን ልምዓታዊን ጉዕዞ ምግባር ኣይከኣልን ቀደማይ ሚኒስትር ኣቢይ ኣሕመድ(ዶ/ር)።

እቶም ቀደማይ ሚኒስትር፥ ብመርኣዪ ምድማር መንግስቲ ምዕባለ ዓውዲታት” ብዝብል ርእሲ ንላዕለዎት ኣመራርሓ ፓርቲ ብልፅግና ስልጠና ሂቦም።

እቶም ቀደማይ ሚኒስትር ኣብ ዝሃብዎ ስልጠና፥ ኢትዮጵያ፣ መንግስቲን ትውልዲን እንታይ ክመስሉ ይግባእ ዝብል ቁልፊ ሕቶታት ናይ ምድማር ትውልዲ ኢዮም ኢሎም።

ኢትዮጵያ  ህብረ ብሄራዊ ሓድነት ዘለዋ ሃገር እንተዘይኮይና ሰለማዊን ልምዓታዊን ጉዕዞ ምግባር ኣይከኣልን ዝበሉ ቀደማይ ሚኒስትር ኣቢይ ኣሕመድ(ዶ/ር)፥ ነዚ እውን እቲ ምምሕዳር ሓቃዊ ፌዴራሊዝም ዝትግብር፣ ብዝሃ ቋንቋ ምጥቃም፣ ብዝሃ ማንነት ዝሓቁፍ ክኸውን ከምዝግባእ ኣገንዚቦም።

ናይ ሕውነት ክብሪ ምፅናዕ ናይ ምድማር ትውልዲ ቁልፊ ሕቶታት ንምምላስ ቀንዲ መገዲ ከምዝኾነ ብምሕባር፥ ብሄርን ሃገራዊ ብሄርተኝነትን ምትዕራቕ ምኽኣል ከምዝግባእ ኣፅንኦት ሂቦም።

ናይ ስቪክ ባህሊ ብምጉልባት ብስምምዕነትን ምርድዳእን ሓበራዊ ኣተዓረቕቲ ትካላትን ሕጊታትን ምፍጣር ናይ ምድማር ትውልዲ ቁልፊ ሕቶታት ኝምምላስ ከምዘድሊ ብምግላፅ፥ ዝሓለፈ ትውልዲ ስሕተት ምምዕርራይ፣ ምስፋሕን ምብርካትን ናይ ምድማር ትውልዲ ህንፀት መትከላት ኢዮም ኢሎም።

ብዮናስ ጌትነት