ትካል ቄራታት ንበዓል ልደት ልዕሊ 5 ሺሕ እንስሳት ንማሕረዲ ተሰናዲአን ኢሉ
ኣዲስ ኣበባ፣ 27 ታሕሳስ፣ 2018 (ኤፍ ኤም ሲ)ኣብ ዝቕፅል በዓል ልደት ልዕሊ 5 ሺሕ እንስሳት ኣገልግሎት ማሕረዲ ንመሃብ ምድላው ተዛዚሙ ኣሎ ኢሉ ኣዲስ ኣበባ ትካል ቄራታት፡፡
ዋና ፈፃሚ ስራሕ እቲ ትካል ኣይተ ሙልነህ ደሳለኝ ከምዝበሉዎ÷ ንበዓል ልደት ኣብ ዋና ቤት ዕዮ ቄራን ጨንፈር ኣቃቂን ልዕሊ 5 ሺሕ ጥዕንኡ ዝተሓለወ ኣገልግሎት ማሕረዲ እንስሳት ንመሃብ ምድላው ተገይሩ፡፡
ንማሕረዲ ካብ ሞንጎ ዝመፅኡ እንስሳት 3 ሺሕ ኣብዑር እንትኾኑ÷ 2 ሺሕ ዝኾና ድማ ኣባጊዐን ኣጣልን ኢየን፡፡
ንሕብረተሰብ ዝተሳለጠ ኣገልግሎት ለንመሃብ ክፍሊ ማሕረዲ፣ መፅንሒ እንስሳትን ፅገናን ሕድሳትን ኣከፋፈልቲ ተሽከርከርቲን ከምዝተወገነ ኣብሪሆም፡፡
ልዕሊ 40 ስጋ ዝፅዕና መኻይን ድሉዋት ኢየን ዝበሉ እቶም ዋና ፈፃሚ ስራሕ÷ ካልኦት ብዙሓት ድጋፍ ወሃብቲ ተሽከርከርቲ ድሉዋት ከምዝተገበራ ተዛሪቦም፡፡
ስሉጥን እዋናዊን ሓበሬታ ንምርካብ፦
ብዩትዩብ www.youtube.com/@fmctigrigna
ፌስቡክ Www.facebook.com/tigrignafana
መርበብ ሓበሬታ www.fanamc.com/tigrigna
ቴሌግራም t.me/tigrignafana ይከታተሉና፡፡
ኩሉ ግዘ ምሳና ስለዝኾኑ ነመስግን!