ኣብ ሃገርና ስሉጥ ምዕባለ ኢኮኖሚ ምቕፃል ክኢልና ኢና-ኣደም ፋራህ

ኣዲስ ኣበባ፣ 14 ጥቅምቲ፣ 2018 (ኤፍ ኤም ሲ)ብብርኪ ዓለም ፀገማት ኣብ ዝረኣይሉ ዓውዲ ኣብ ሃገርና ስሉጥ ምዕባለ ኢኮኖሚ ምቕፃል ክኢልና ኢና ኢሎም ብመዓርግ ምክትል ቀደማይ ሚኒስትር ሓላፊ ማእኸል ምትሕብባር ህንፀት ስርዓት ዴሞክራሲን ምክትል ፕሬዚዳንት ፓርቲ ብልፅግናን ኣደም ፋራህ።

ቀደማይ ሚኒስትር ኣቢይ ኣሕመድ (ዶ/ር) ካብ 2018 ዓ.ም ናይ መጀመሪታ 100 መዓልታት ኣብ ገምጋም ኣፈፃፅማ ማክሮ ኢኮኖሚ  መድረኽ ኣብ ኮይሻ ግድብ ምስ ሚኒስትራትን ዝተፈላለዩ ሓለፍቲ ስራሕን ዘቲዮም።

ኣይተ ኣደም ፋራህ፥ብጅኦፖለቲካ ውጥረት፣ ኢተገማቲ በዝኾነ ናይ ታሪፍ ዲፕሎማሲን ካልኦት ዓለም ለኸ ፀገማትን ኣብ ዝረኣይሉ ዓውዲ ኣብ ሃገርና ስሉጥ ምዕባለ ኢኮኖሚ ምቕፃል ክኢልና ኢና ክብሉ ገሊፆም።

እዚ ዝነኣድ ውፅኢት ንክምዝገብ ናይ ሰለስተ ቀንዲ ቀንዲ ጉዳያት ደምር ውፅኢት ከምዝኾነ ተዛሪቦም።

ቀደማይ ድሕሪ ለውጢ ናይ ኣረኣእያ ለውጢ ከምዝኾነን ብኣተሓሳስባ ምድማር ኩሎም ዓቕሚታት ብምድማር ኣብ ሕድሕድ ዓውዲ ንምዕባለ ሃገርን ብልፅግናን ንከበርክት ንምግባር ከምዝተሰርሐ ሓቢሮም።

ብመሰረት እዚ ኢትዮጵያ ዝምጥና ትልሚታት ብምሓዝ፣ መትከል ስልጠትን ምህዞን መሰረት ብምግባር ብምስራሕን ፈተናታት  ናብ ዕድል ብምቕያርን ዝተተለሙ ተግባራዊ ምግባር ከምዝተኽኣለ ተዛሪቦም።

ናይ ኣመራርሓ ናይ ምፍፃም ዓቕሚ ትግሃትን ቁርፀኝነትን ድማ እቲ ካልኣይ ኢዩ ኢሎም።

ሳልሳይ ድማ፥  ተሳትፎን ምትሕብባርን ህዝቢ፣ ዓውዲ ውልቀ፣ ስቪክ ማሕበረሰብ ምዕባዩ እቲ ውፅኢት ንክመፅእ ኣስተዋፅኦ ከምዝገበረ ኣብሪሆም።

ብዮናስ ጌትነት