ኣብ ማእኸል ተሃድሶን መማዕበሊን ናይ ፅባሕ ደቂ ኣንስትዮ ዝሰልጠና 810 ሰልጠንቲ ተመሪቐን

ኣዲስ ኣበባ፣ 25 ነሓሰ፣ 2017 (ኤፍ ኤም ሲ)ኣብ ከተማ ኣዲስ ኣበባ ኣብ ማእኸል ተሃድሶን መማዕበሊን ክእለት ናይ ፅባሕ ደቂ ኣንስትዮ ንሳልሳይ ዙር ብዝተፈላለዩ ሞያታት እናሰልጠና ዝፀንሓ 810 ሰልጠንቲ ተመሪቐን ናብ ስራሕ ተዋፊረን፡፡

ኣብዚ እዋን ከንቲባ ኣዳነች ኣቤቤ ኣብዘመሓላለፈኦ መልእኽቲ፥ እቲ ማእኸል ንዝተፈላለዩ ማሕበራዊ ፀገማት ተቓሊዐን ኣብ ጎደና ዝወደቓን ነብሰን ንምሻትን ዝተቓልዓ ደቂ ኣንስትዮ ካብ ጎደና ብምልዓል ብዝተፈላለዩ ክእለታት እናሰልጠነ ናብ ስራሕ እናተዋፈራ ይርከባ ኢለን።

ናይ ሎሚ መዓልቲ ሓዊሱ ክሳብ ሕዚ ስልጠና ብምውሳድ ናብ ስራሕ ዝተዋፈራ ደቂ ኣንስትዮ ቁፅረን 1 ሺሕን 692 ከምዝበፅሐ ሓቢረን፡፡

ንፀገም ተቓላዕቲ ዝኾና ደቂ ኣንስትዮ ብምስልጣን ናብ ስራሕ ምውፋር እቲ ምምሕዳር ከተማ ብትኹረት እናወገኖ ዝርከብ ተግባር ከምዝኾነ ገሊፀን፡፡

ደቂ ኣንስትዮ ኣሕዋትና ባዕለን ብዘይፈጠረኦ ፀገም ከቢድ ናይ ህይወት ፈተና እናተዋገኣ፣ እናተኾነና፣ እናደገፋ፣ ኣብ በረንዳ እናወደቓ ከምኡ እውን ንዝኸፍአ ህይወት ነብሲ ምሻጥ እንትቃለዓ ይረአ ዝበላ እተን ከንቲባ÷ ቀንዲ ፍልፍ እቲ ፀገም ባዕለን ዘይኮናስ ድኽነትን ድሕረትን ኢዩ ኢለን።

ስሉጥን እዋናዊን ሓበሬታ ንምርካብ፦

Website www.fanamc.com/tigrigna

Facebook kwww.facebook.com/tigrignafana

YouTube www.youtube.com/@fmctigrigna

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!