ኣብ ክልል ዓፋር ምፍንጃር እሳተ ገሞራ ኣብ ዘጋጠመሉ ከባቢ ተነፃፃሪ ምርግጋእ ተፈጢሩ – ጂኦሎጂካል ኢንስቲትዩት ኢትዮጵያ
ኣዲስ ኣበባ፣ 20 ሕዳር፣ 2018 (ኤፍ ኤም ሲ)ኣብ ክልል ዓፋር ቅድሚ መዓልቲታት ምፍንጃር እሳተ ገሞራ ኣብ ዘጋጠመሉ ከባቢ ሕብረተሰብ ተረጋጊኡ ስርሑ ዝውግነሉ ተነፃፃሪ ምርግጋእ ተፈጢሩ ኢሉ ጂኦሎጂካል ኢንስቲትዩት ኢትዮጵያ፡፡
እቲ ኢንስቲትዩት ኣብቲ ክልል ከባቢ ኤርታሌ ፍሉይ ሽሙ ሃይሊ ጉብ ኣብ ዝተብሃለ ቦታ ዘጋጠመ ምፍንጃር እሳተ ገሞራ ኣመልኪቱ ንፋና ዲጂታል ኣብ ዝለኣኾ መግለፂ፥ ኣብዚ ሕዚ እዋን ኣብቲ ከባቢ ዘሎ ኩነታት ብተነፃፃሪ ዝተረጋገአ ከምዝኾነ ኣመልኪቱ፡፡
ዋና ዳይሬክተር ጂኦሎጂካል ኢንስቲትዩት ኢትዮጵያ ኣይ ኢጃራ ተስፋዬ ከምዝበሉዎ፥ እቲ ትካል ካብ ዝሓለፈ ሓምለ ጀሚሩ ዝተፈላለዩ ንምፍንጃር እሳተ ገሞራ ዘመላኽረቱ ኩነታታት ብቕርበት ምክትታል፣ ሓበሬታታት ናይ ምትእኽኻብን ናይ ምሃብን ስራሕ እናሰርሐ ፀኒሑ፡፡
ኣብ ዝሓለፈ ሰንበት 4 ሕዳር 2018 ዓ.ም ዘጋጠመ ምፍንጃር እሳተ ገሞራ ዝርከበሉ ኩነታት ዝዕዘብን ዘፅንዕን ጉጅለ መፅናዕቲ ተጣይሹ ኣብቲ ቦታ መፅናዕቲ እናገበረ ከምዝርከብ እውን ገሊፆም፡፡
ኣብዚ ሕዚ እዋን ኣብቲ ቦታ ዘሎ ኩነታት ብተነፃፃሪ ዝተረጋገአ ከምዝኾነ ብምሕባር፥ ማሕበረሰቡ ተረጋጊኡ ስርሑ ንኽውግን ፀዊዖም፡፡
ስሉጥን እዋናዊን ሓበሬታ ንምርካብ፦
ብዩትዩብ www.youtube.com/@fmctigrigna
ፌስቡክ Www.facebook.com/tigrignafana
መርበብ ሓበሬታ www.fanamc.com/tigrigna
ቴሌግራም t.me/tigrignafana ይከታተሉና፡፡
ኩሉ ግዘ ምሳና ስለዝኾኑ ነመስግን!