እናዓበየ ዝመፀ ኩለመዳያዊ ምትሕብባር ኢትዮ-ኣዘርባጃን…

ኢትዮጵያን ኣዘርባጃንን ኣብ ዝተፈላለዩ ዓውድታት ዝምድናአን ዝያዳ ንምዕባይ ብሓባር ክሰርሓ ዝፀንሓ እንትኾ፤ ብፍላይ ኣብ ቀረባ ዓመታት ርክብ እተን ሃገራት እናተጠናኸረ መፂኡ።

ክልቲኤን ሃገራት ኣብ ንግዲ፣ ኢንቨስትመንት፣ ሕርሻ፣ ቴክኖሎጂ፣ ፍትሒ፣ ድሕንነትን ድሕንነትን ከምኡ እውን ካልኦት ዓውድታትን ዘለወን ምትሕብባር ዝያዳ ንምጥንኻር ዝተፈላለዩ ስምምነት ተፈራሪመን።

ኣብ ዝተበፅሑ ስምምዓት ንምትግባርን ንምስላጥን ላዕለዎት መራሕቲ ሃገራት ኣብ ዝተፈላለየ ግዘታት ንምርካብ ምዝታዮም ይዝኸር፡፡

ኣብ መንጎ ኢትዮጵያን ኣዘርባጃንን ዝካየድ ዘሎ ስሩዕ ፖለቲካዊ ዘተ እውን ኣብ መንጎ እተን ሃገራት ዘሎ ኩለመዳያዊ ዝምድና ማለት ኣብ ዓውድታት ሕርሻ፣ ዕደና፣ ማኑፋክቸሪንግ፣ ሓምለዋይ ኢኮኖሚ ዝያዳ ንምጥንኻር ሓጊዙ እዩ።

እተን ሃገራት ኣብ ምፍራይ እንስሳን ዘራእትን፣ ኣትክልትን ፍራፍረን ሕርሻ፣ ኣጠቓቕማ ማይን መሬትን፣ ዲጂታል ሕርሻ፣ ኣተገባብራ ቴክኖሎጂ፣ ንግዲ ፍርያት ሕርሻ፣ መስኖን ካልኦት ልምዓት ሕርሻን ብሓባር ይሰርሓ ኣለዋ።

ኢትዮጵያ ናብ ኣዘርባጃን እትልእኾ ፍርያት ሰሊጥ፣ ዝተቀለወ ቡን፣ እንጣጢዕ፣ ስጋ ጥየልን በጊዕን ካልኦትን ሓዊሱ ይርከብዎም።

ምስ ቴክኖሎጂ ኢትዮጵያን ኣዘርባጃንን ኣብ ኣርቲፊሻል ኢንተለጀንስን ካልኦት ዓውድታትን ብምትሕብባር ኣብ ምስራሕ ይርከባ፡፡

ብመላኩ ገድፍ

ስሉጥን እዋናዊን ሓበሬታ ንምርካብ፦

ብዩትዩብ www.youtube.com/@fmctigrigna

ፌስቡክ Www.facebook.com/tigrignafana

መርበብ ሓበሬታ www.fanamc.com/tigrigna

ቴሌግራም t.me/tigrignafana ይከታተሉና፡፡

ኩሉ ግዘ ምሳና ስለዝኾኑ ነመስግን!