ግብረ ራዕዲነት ብገንዘብ ናይ ምሕጋዝ ገበን ንምክልኻል ብዕቱብ ምስራሕ ይግባእ-ምክትል ቀዳማይ ሚኒስትር ተመስገን ጥሩነህ

On Aug 29, 2025 1

ኣዲስ ኣበባ፣ 23 ነሓሰ፣ 2017 (ኤፍ ኤም ሲ)ግብረ ራዕዲነት ብገንዘብ ናይ ምሕጋዝ ገበን ንምክልኻል ብዕቱብ ምስራሕ ይግባእ ኢሉ ምክትል ቀዳማይ ሚኒስትር ተመስገን ጥሩነህ።

መበል 25 ጉባኤ ጉጅለ ሚኒስትራት ምክልኻል ብተግባር ገበን ዝተረኸበ ሃፍቲ ሕጋዊ ብምምሳልን ግብረራዕዲነት ብገንዘብ ናይ ምሕጋዝን ገበን ምብራቕን ደቡባዊን ኣፍሪካ ይካየድ ኣሎ።

እቶም ምክትል ቀዳማይ ሚኒስትር ኣብቲ መድረኽ ከምዝበልዎ፥ እቲ ኣኼባ ብሓባር ደው ብምባል ጥዕና ንዘለዎ ስርዓት ፋይናንስን ሕብረተሰብን ካብ ጉድኣት ንምሕላው ዘለዎ ቁርፀኝነት ዝዛረብ ኢዩ።

ብተወሳኺ ኣብ ቀጣናና ልምዓት ናይ ምስፋሕ መልእኽቲ ዘመሓላልፍ ምእካብ ኢዩ ኢሎም።

ብተግባር ገበን ዝተረኸበ ሃፍቲ ሕጋዊ ብምምሳልን ግብረራዕዲነት ብገንዘብ ናይ ምሕጋዝን ገበን ብቴክኖሎጂ ተደጊፉ ዝፍፀምን ብስሉጥ እናሰፍሐ ዘሎን ዶብ ሰገር ፀገም ከምዝኾነ ገሊፆም።

እዚ ድማ ናይ ዜጋታትና ሰላምን እምነትን እናመንጠለ ዝርከብ ንኣፍሪካ መዕነዊ ዝኾነ ኢዩ ኢሎም።

ኣብ ደሕሪ ሕድ ሕድ ዝስረቕ ገንዘብ ትምህርቱ ዝተሓደገ ህፃን፣ ሕክምና ምርካብ ዘይከኣለ ሕሙም፣ መሰረተ ልምዓት ዘይተማለአሉ ማሕበረሰብ ኣሎ እውን ኢሎም።

ሕድ ሕድ ጥፍኣት ህዝብና ፅባሕ ምብፃሕ ናብ ዝግበኦ ንከይበፅሕ ንድሕሪት ዝጎትት ኢዩ ክብሉ ገሊፆም።

ኢትዮጵያ ብተግባር ገበን ዝተረኸበ ሃፍቲ ሕጋዊ ብምምሳልን ግብረራዕዲነት ብገንዘብ ናይ ምሕጋዝን ገበን ምክልኻል ናይ ሪፎርም ኣጀንደኣ ዋና ማእኸል ብምግባር ብሄራዊ ኮሚቴ ብምጥያሽ ትሰርሕ ከምዘላ ሓቢሮም።

ብለይኩን ኣለም

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!