ፋብሪካ ዘበናዊ ዱኽዒ ኢትዮጵያ ብፅርየትን ሰለጤንን ንምህናፅ ብቑርፀኝነት ክስራሕ ኢዩ-ኣሊኮ ዳንጎቴ

ኣዲስ ኣበባ፣ 22 ነሓሰ፣ 2017 (ኤፍ ኤም ሲ)ኣብ ዓመት ክሳብ 3 ሚሊየን ሜትሪክ ቶን ናይ ምፍራይ ዓቕሚ ዘለዎ ፋብሪካ ዘበናዊ ዱኽዒ ኢትዮጵያ ብፅርየትን ሰለጤንን ንምህናፅ ብቑርፀኝነት ክስራሕ ኢዩ ኢሎም መስራቲን ዋነናኣፈፃሚ ስራሕን ኣሊኮ ዳንጎቴ።

ቀዳማይ ሚኒስትር ኣቢይ ኣሕመድ (ዶ/ር) ኣብ ዝተረኸብሉ ኣብ መንጎ ሆልዲንግ ኢንቨስትመንት ኢትዮጵያን ዳንጎቴ ግሩፕን ሰነድ ስምምዕነት ብፅሒት ኮምፕሌክስ መፍረዪ ዘበናዊ ዱኽዒ ተኸቲሙ ኢዩ።

እቲ ስምምዕነት ስዒቡ ኣሊኮ ዳንጎቴ ከምዝበልዎ፥ ህንፀት እቲ ፋብሪካ ዘበናዊ ዱኽዒ ካብ ወፃኢ ዓዲ ተእቱ ንዝነበረት ኢትዮጵያ ዓብዪ ለውጢን መሰረት ዘንብርን ኢዩ።

ኢትዮጵያ ኣብ ብዙሓት ዓውዲታት ፅቡቕ ናይ ኢንቨስትመንት ሃገር ምዃና በምግላፅ፥ በፍላይ ኣብ ኢትዮጵያ እኹልን ኩለ መዳይን ቀረብ እታዎት ምህላዉ ገሊፆም።

እቲ ፋብሪካ ንኢትዮጵያ ኣብ ዓለም ካብ ዘለዉ ቀዳሞት ኣፍራይት ሓንቲ ንክትከውን ከምዝገብራ እውን ተዛሪቦም።

ኣብ ዝተቐመጠሉ እዋን ብፅርየት ሃኒፁ ንምዝዛም ጠመተ ሂብካ ከምዝስራሕ ኣረጋጊፆም።

እቲ ፋብሪካ ዘበናዊ ዱኽዒ ኢትዮጵያ ብዓውዲ ግብርና ተመዝግቦ ዘላ ውፅኢት ብዝበለፀ ከምዘጠናኽር ገሊፆም።

በዓል ራእይ ቀዳማይ ሚኒስትር ኣቢይ(ዶ/ር) ኣብቲ ዓውዲ ዝገብርዎ ዘለዉ ዘበናዊ ስራሕ ዝነኣድ ከምዝኾነ ኣገንዚቦም።

እቶም ቀዳማይ ሚኒስተር ዓውዲ ግብርና ብዝበለፀ ብምስፋሕ ሉእላውነት ምግቢ ኣብ ምርግጋፅ ምዕባለ ኢትዮጵያ ዕላዊ ንክኸውን ኣብ ምግባር ዝተባባዕ ስራሕ ይሰርሑ ከምዘለዉ ኣብሪሆም።

ብመላኩ ገድፍ

ስሉጥን እዋናዊን ሓበሬታ ንምርካብ፦

Website www.fanamc.com/tigrigna

Facebook kwww.facebook.com/tigrignafana

YouTube www.youtube.com/@fmctigrigna

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!