ዓለም ለኸ መዕርፎ ነፈርቲ ቢሾፍቱ፤ ታሪኻዊ እምነ ኩርናዕ ዘበን ብራኸ

ኣዲስ ኣበባ፣ 2 ጳጉሜን፣ 2018 (ኤፍ ኤም ሲ)ኢትዮጵያ ዘበን ብራኸ ጋህዲ ምዃኑ ዘበስሩ ብዙሓት ዓበይቲ ፕሮጀክታት እናወገነት ትርከብ።

ካብ ሞንጎ እዚኣቶም ድማ ዓቢዪ ግድብ ሕዳሰ ኢትዮጵያ፣ ኣብ ከተማታት ዝተሰርሐ ልምዓት ኮሪደርን ብዙሓት ሜጋ ፕሮጀክታትን ክፅርሑ ይኽእሉ።

ተዛዚሞም ኣገልግሎት ምሃብ ካብ ዝጀመሩ ብተወሳኺ ህንፀቶም ብቕልጡፍን ብልዑል ፅሬትን እናተኻየዱ ካብ ዝርከቡ ፕሮጀክታት ሓደ ዓለም ለኸ መዕርፎ ነፈርቲ ቢሾፍቱ እዩ።

መገዲ ኣየር ኢትዮጵያ ካብ ኣፍሪካ ዝዓበየን ቅልጡፍ ዕቤት እናመዝገቡ ካብ ዝርከቡን መገዲ ኣየራት ሓደ ከም ምዃኑ መጠን፣ ናይ ምስፍሕፋሕ ትልሚታቱ ንምትእንጋድ ዘኽእል ዘበናዊን ዓብዪን ዝርገሐ መሰረተ ልምዓት የድልዮ።

ነዚ ሃገራዊን ዞባዊን ድሌት መሰረት ብምግባር ኣብ ክልል ኦሮሚያ፣ ካብ መዕርፎ ነፈርቲ ቦሌ ብኣንፈት ደቡብ ምብራቕ ኣብ ዝርከብ ከባቢ እናተሃነፀ ዝርከብ ፕሮጀክት ዓለም ለኸ መዕርፎ ነፈርቲ ቢሾፍቱ ተሓንፂፁ ናብ ስራሕ ኣትዩ።

ኢትዮጵያ ጉዕዞ ብራኸኣ ንምቅልጣፍ ዓበይቲ ትልሚታት ናብ ተግባር ከተምፅእ ከም ዘለዋ ዘርኢ እዚ ፕሮጀክት፤ ንሓፈሻዊ ኢኮኖሚያዊን ማሕበራዊን ዕቤት ኢትዮጵያ ንምቅልጣፍ ዘበርክቶ ኣስተዋፅኦ ኣዝዩ ልዑል እዩ።

እቲ መገዲ ኣየር ኢትዮጵያ ማእኸላይ እቶት ካብ ዘለወን ሃገራት ንኽትስለፍ ዝገብሮ ጉዕዞ ዘቀላጥፍ ዘላቒ ሞተር ክኸውን እዩ። ኣብ ማክሮ ኢኮኖሚ ዝካየድ መዋቕራዊ ስግግር፣ ብዕቤት ፍርያት ውሽጢ ሃገር፣ ብቀጥታ ኢንቨስትመንትን ወፃኢ ሸርፊ ወፃኢ ንኽዓቢ ዘኽእል እዩ።

እቲ መዕርፎ ነፈርቲ ብሚልዮናት ዝቑፀሩ ተጓዓዝቲን ብሚልዮናት ዝቑፀር ቶን ፅዕነትን ንምትእንጋድ ዘለዎ ዓቕሚ ብቐጥታ ንዕቤት ፍርያት ውሽጢ ሃገር ኢትዮጵያ ዓብዪ እጃም የበርክት።

ህንፀት እዚ ፕሮጀክት ተዛዚሙ ኣገልግሎት ምሃብ ምጅማሩ፣ ቢሾፍቱ ካብ ኣዲስ ኣበባ ኣብ ዝወሓደ ኽፍታ ካብ ጽፍሒ ባሕሪ ስለ እትርከብ፣ ነፈርቲ ኣብ ዝበራርሓሉን ኣብ ዝዓርፋሉን እዋን ዝወሓደ ነዳዲ ንኽጥቀማን ዝለዓለ ዓቕሚ ጽዕነት (Payload) ንኽሓዛን ዘኽእለን እዩ።

እቲ ዝዓበየ ጉዳይ ድማ፣ እቲ መዕርፎ ነፈርቲ ኣብ ዓመት ክሳብ 110 ሚልዮን ተጓዓዝቲ ንምትእንጋድ ዘኽእል ዓቕሚ ክህልዎ እዩ። በዚ መሰረት ድማ ኣብ ዓለም ካብ ዘለዉ ዓሰርተ ዝዓበዩ መዕርፎ ነፈርቲ ሓደ፣ ኣብ ኣፍሪካ ድማ ቁጽሪ ሓደ ዝዓበየ መዕርፎ ነፈርቲ ክኸውን እዩ።