Itiyoophiyaan nageenya Sudaan mirkaneessuuf tattaaffii taasiftu cimsitee itti fufti
Finfinnee, Caamsaa 25, 2017 (FMC) – Itiyoophiyaan nageenya Sudaan mirkaneessuuf tattaaffii taasiftu cimsitee itti fufti jedhan Daayrektarri Jeneraalaa Tajaajila Odeeffannoo fi Nageenya Biyyaalessaa Ambaasaaddar Reedwaan Huseen.
Jilli olaanaan Daayrektara Jeneraalaa Tajaajila Odeeffannoo fi Nageenya Biyyaalessaa Reedwaan Huseeniin durfamu ergaa Ministira Muummee FDRI Dooktar Abiy Ahimad irraa ergame Jeneraala Sudaan Abdulfattaa Al Burhaaniif dhiyeesseera.
Ambaasaaddar Reedwaan Huseenii fi Gorsaan Ministira Muummee Dhimmoota Nageenyaa Baha Afrikaa obbo Getaachoo Raddaan ergicha dhiyeessaniiru.
Buufata Sudaanitti jilichaaf simannaa hoo’aan kan taasifameef yoo ta’uu, Itiyoophiyaan tasgabbii fi nageenya Sudaaniif ejjennoo hin jijjiiramne kan qabdu ta’uu Ambaasaaddar Reedwaan mirkaneessaniiru.