Ashaaraan Magariisaa Itiyoophiyaaf boqonnaa haaraa banaa jira- Dooktar Laggasaa Tulluu

Finfinnee, Adoolessa 24, 2017 (FMC) – Ministirri Tajaajila Kominikeeshinii Mootummaa Dooktar Laggasaa Tulluun Ashaaraan Magariisaa Itiyoophiyaaf boqonnaa haaraa banaa jira jedhan.

Hoggantoonniifi hojjettoonni Tajaajila Kominikeeshinii Mootummaa sagantaa guyyaa tokkoon biqiltuu miiliyoona 700 dhaabuun ashaaraa isaanii kaa’aniiru.

Dooktar Laggasaa Tulluun wayita kana akka jedhanitti, ashaaraan magariisaa diinagdee Itiyoophiyaa keessatti gahee olaanaa bahachaa jira.

Wayita ashaaraan magariisaa akka biyyaatti eegale irraa jalqabee dhaabbatichi odeeffannoo waliin gahuurra darbee saganticharratti dammaqinaan hirmaachaa turuus yaadachiisaniiru.

Yeroo itti aanuttis hojjettoonni dhaabbatichaa dhaaburra darbee kunuunsa walitti fufiinsa qabu kan taasisan ta’uu mirkaneessaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.