Dargaggoonni uummata yaadama Badhaadhinaarratti ijaaruuf kutannoon hojjechuu qabu – Obbo Namarraa Bulii

Finfinnee, Amajjii 21, 2018 (FMC) – Dargaggoonni uummata yaadama Badhaadhinaarratti ijaaruuf kutannoon hojjechuu qabu Waajjira Paartii Badhaadhinaa Damee Oromiyaatti Itti Gaafatamaan Siyaasaa obbo Namarraa Buliin.

Naannoo Oromiyaatti Biiroon Dargaggoo Oromiyaa fi Jaarmiyaaleen dargaggoo waliin ta’uun akkaataa filannoo biyyaalessaa marsaa 7ffaa bara kanaa haqa qabeessa, bilisa,diimokiraatawaa fi nagaa gochuun danda’amurratti mari’ataniiru.

Waajjira Paartii Badhaadhinaa Damee Oromiyaatti Itti Gaafatamaan Damee Ijaarsa Aadaa Diimokiraasii Obbo Mogos Ida’ee akka jedhanitti, Filannoon biyyaaleessaa Marsaa 7ffaa bara kanaa kan yeroo kamiiyyu caalaa bilisa,haqa-qabeessa fi nagaa taasisuuf kutannoonkan hojjetamu ta’uu dubbataniiru.

Dargaggoonni ammoo kana dhugoomsuuf gahee isaanii bahachuu akka qaban dhaamaniiru.

Waajjira Paartii Badhaadhinaa Damee Oromiyaatti Itti Gaafatamaan Siyaasaa obbo Namarraa Bulii, waltajjicharratti akka jedhanitti, injifannoowwan waggoottan Jijjiiramaa darban keessa argaman keessaa tokko dirreen diimokiraasii akka bal’atu gochuun aadaan siyaasaa biyya keenya akka jijjiiramu taasisuun isa olaanaa ta’u himaniiru.

Tajaajila ummataaf kennamu qaqqabamaa taasisuuf gurmaa’insa cimaa sadarkaa gandaa cimsuusaatiin Paartiin badhaadhinaa aantummaan uummataa kan mirkaneesseedha jedhan.

Oomishaa fi Oomishtummaa guddisuu dabalatee Jijjiiramoota roga hundaan milkaa’aniif maddi yaadama Paartii Badhaadhinaati ta’uu eeraniiru.

Milkaa’inoota galmaa’an itti fufsiisuuf aadaa hojii fooyyeesuun,waantoota hojjetamaniis ogummaa, beekumsaa fi qulqullinaan raawwatamuu akka qaban kaasaniiru.

Akkasumas dargaggootni uummata yaadama badhaadhinaarratti ijaaruun diinagdee,barnoota fi sirna cimaa akka gonfatu gochuu qabdu jedhan.

Filannoo marsaa 7ffaa bara kanaa ilaalchisuunis filannichi bilisa,diimokiraatawaa, haqa-qabeessa fi milkaa’aa akka ta’uuf dargaggootni gahee isaanii bahachuu akka qaban waamicha dhiyeessaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.