Dooktar Abiy Ahimad Pirezidaantii Jibuutii waliin mari’atan

Finfinnee, Amajjii 3, 2018 (FMC) – Ministirri Muummee FDRI Dooktar Abiy Ahimad Pirezidaantii Jibuutii Ismaa’el Oomaar Guuleehi waliin mari’ataniiru.

Ministirri Muummee Dooktar Abiy Ahimad ergaa miidiyaa hawaasummaa isaaniin dabarsaniin, har’a ganama wayitan Jibuutii gahu Kabajamoo Pirezidaanti Ismaa’el Oomaar Guuleehi simannaa naaf taasisaniiru jedhan.

Pirezidaanticha waliin mari’achuu kaasanii, mariin isaanii dhimmoota ji’oopolatiksii, nageenyaafi tasgabbii naannawaa akkasumas tumsawwan gamlamee keessumaa dameewwan daldalaa, loojistiksiifi hojiilee misoomaan qaban haala cimsuun danda’amurratti kan xiyyeeffate ta’uu eeraniiru.

Kunis nageenyaafi tasgabbii, walitti hidhamiinsa diinagdeefi badhaadhina waloo irratti ejjennoo waloo cimaa qabnu agarsiisa jedhan.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.