Finfinneetti Egzibiishinii fi Baazaariin daldalaa baname

Finfinnee, Hagayya 28, 2017 (FMC) – Magaalaa Finfinneetti Egzibiishinii fi Baazaariin Daldalaa Giddugalawwan Gabaa Magaalichaatti baname.

Egzibiishinii fi Baazaarichi bakka Kantibaan magaalaa Finfinnee aadde Adaanech Abeebee fi Kantibaa Itti Aanaa obbo Zhaanxiraar Abbay, akkasuma hoggantoonni biroo argamanitti banameera.

Giddugalawwan kanneenitti galteewwan kabaja ayyaanota dhufaniif oolaan bal’inaan dhiyaachuu ibsame.

Egzibiishinii fi Baazaariin banaman kunneen Shamattootaa fi oomishtoota kallattiin walitti fiduun qaala’iinsa gatii ayyaanota waggaa sababeeffachuun madachuu malan ittisuu keessatti shoora olaanaa qabu jedhan Kantibaan magaalaa Finfinnee aadde Adaanech Abeebeen.

Egzibiishinii fi Baazaarii Daldalaa amma banaman dabalataan yeroo itti aanu kutaalee magaalichaa hunda keessatti kanneen biroos ni banamu jedhan.

Oomishaaleen giddugaloota kanneenitti argaman gatii madaallawaan kan dhiyaatan ta’uu eeran.

Qiddist Abaataatu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.