Guyyaan sabootaa, sablammootaafi uummattootaa tokkummaa sabdaneessummaa Itiyoophiyaa cimsa- Af-yaa’ii Aganyahu Tashaagar
Finfinnee, Sadaasa 20, 2018 (FMC)- Af-Yaa’iin Mana Maree Federeeshinii obbo Aganyahu Tashaagar guyyaan sabootaa, sablammootaafi uummattootaa tokkummaa sabdaneessummaa Itiyoophiyaa cimsuun nageenya waaraa mirkaneessuu keessatti qooda olaanaa qaba jedhan.
Magaalaa Finfinneetti sagantaan xumuraa kabaja guyyaa sabootaa, sablammootaafi Uummattootaa 20ffaan gaggeeffameera.
Obbo Aganyahu Tashaagar wayita kana guyyaan sabootaa, sablammootaafi uummattootaa guyyaa itti Itiyoophiyaanonni duudhaalee, aadaafi muuxannoowwan isaanii itti waljijjiiran ta’uu ibsan.
Kana malees guyyaa heddummina isaanii itti mul’isan, tokkummaa sabdaneessummaa isaanii itti cimsaniifi nageenya waaraa, misooma si’ataafi guddina diinagdeef itti mari’ataniifi waadaa seenan ta’uus eeran.
Ayyaanni bara kanaa wayita rakkoolee waliigaltee biyyaalessaaf gufuu ta’an mariin furuuf akkasumas tokkummaa sabdaneessummaa keenya cimsuuf sochii eegalletti kan kabajamudha jedhan.
Itiyoophiyaan biyyoota sabdaneessummaa qaban keessaa tokko ta’uu kaasuun, mootummoonni darban heddummina haalaan keessummeessuun tokkummaa sabdaneessuuf fayyadamuu irratti hanqinoota qabaachuu yaadachiisaniiru.
Heddummina tokkummaa fi waliigaltee biyyaalessaaf oolchuun barbaachisaa akka ta’e eeruun, kanaaf ammoo Itiyoophiyaanonni hundi qooda isaanii bahachuu akka qaban dhaamaniiru jechuun TOI gabaaseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo