Har’a morkiin Liiverpuulii fi Arsenaal gidduutti gaggeeffamu ni eegama

Finfinnee, Hagayya 25, 2017 (FMC) –Tapha guddaa torbee 3ffaa Piriimeer Liigii Ingiliiz kan jedhame morkiin har’a Liiverpuulii fi Arsenaal gidduutti gaggeeffamu xiyyeeffannoo argateera.

Kilaboonni lamaanuu waancaa liigichaa bara kanaa milkeessuu danda’uun kanneen tilmaama olaanaa argataniidha.

Liiverpuul taphoota lamaan darban injifateera.

Galchiiwwan 7 lakkoofsisuun galchiiwwan 4 ammoo keessummeesseera.

Tapha torbee jalqabaan Boornimaawuuz, akkasuma torbee 2ffaan Niwuukaasiil injifate.

Arsenaaliis taphoota lamaan darbanirratti galchiiwwan 6 lakkoofsisuun galchii keessummeesse hin qabu.

Tapha torbee jalqabaan Maanchiister Yuunaayitiid, akkasuma torbee 2ffaan Liidis Yuunaayitiid injifate.

Waggoottan sadan darban waliitti aansuun sadarkaa 2ffaan kan xumure Arsenaal bara kana taphattoota hedduu bitateera.

Taphni har’a galgala sa’aatii 12:30 eegalee taphatamu kun xiyyeeffannoo olaanaa argateera.

Kilaboonni lamaan taphoota waliin taphatan 210 keessaa Liiverpuul yeroo 78 yoo injifatu, Arsenaal si’a 71 injifachuun yeroo 61 ammoo qixaan xumuraniiru.

Arsenaal yeroo ammaa sarara duubaa keessee hanga fuulduraatti garee guutuu fi cimaa jedhamuu danda’uudha.

Liiverpuul ammoo sararri fuulduraa isaa cimaa ta’us sararri ittisaa hanqina akka qabuutti qeeqamaa jira.

Tapha kana dursee waaree booda sa’aatii 10:00 eegalee Maanchiister Siitiin Biraayitan, Nootingihaam Forest ammoo Weest Haam waliin taphatu.

Siifan Magarsaatiin.

#Oromia#Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.