Hidhi Haaromsaa agarsiistuu bara Olka’iinsaa Itiyoophiyaati – Aadde Roozaa Umar

Finfinnee, Fulbaana 12, 2018 (FMC) – Hidhi Guddichi Haaromsaa Itiyoophiyaa gamtaadhaan dhugoome agarsiistuu bara olka’iinsaa Itiyoophiyaati jedhan Pirezidaantii Itti aantuun Naannoo Hararii Aadde Roozaa Umar.

Hidhi Haaromsaa xumuramee eebbifamuu sababeeffachuun mata duree “Gamtaadhaan dandeenyeerra!” jedhuun naannoo Harariitti hiriirri deggersaa fi gammachuu ibsannaa geggeeffameera.

Adde Roozaa Umar wayituma kana akka jedhanitti, Hidhi Guddichi Haaromsaa Itiyoophiyaa injifannoo Adwaatti aanee seenaa injifannoo uummata gurraachaa tattaaffii waloo, dafqaa fi dhiiga Itiyoophiyaanotaan argameedha.

Hidhi Haaromsaa rakkoolee walxaxoo hedduu darbee dhugoome kun argisiistuu jaarraa olkaa’iinsaa Itiyoophiyaatis jedhan.

Pirojeektichi dhiibbaawwan alaa fi keessaa dandamatee liqaa fi deeggersa alaa tokko malee humna keessaan ijaaramuu danda’uun isaa yoo qindoomne pirojeektii guddaa kamuu raawwachuu akka dandeenyu kan mirkaneesse ta’uus kaasan.

Tasfaayee Haayiluutu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.