Hoggantoonni fi Hojjettonni Biiroolee Oromiyaa Duula dhaabbii biqiltuu gaggeessan

Finfinnee, Adoolessa 24, 2017 (FMC)- Hoggantoonni fi Hojjettonni Biiroolee Oromiyaa garaagaraa Duula guyyaa tokkoon biqiltuuwwan 700 dhaabu gaggeessaniiru.

Haaluma kanaan Hoggantoonnii fi Hojjettonni Biiroo Kominikeeshinii Oromiyaa, Biiroo Barnootaa Oromiyaa, Biiroo Fayyaa Oromiyaa, Biiroo Invastimantii fi Indaastirii Oromiyaa fi Seektaraaleen fi Biiroolee mootummaa naannoo Oromiyaa garaagaraa biqiltuu Ashaaraa magariisaa dhaabaniiru.

Hogganaan Biiroo Kominikeeshinii Oromiyaa obbo Hayiluu Addunyaan, hojiin Ashaaraa magariisaa qabeenya uumamaa kunuunsuun bakkatti deebisuu fi wabii nyaataa mirkaneessuuf gahee olaanaa qaba jedhan.

Mootummaan Naannoo Oromiyaas dhaabbii biqilaa,hojii eegumsaafi kunuunsa qabeenya uumamaan uummatni akka duudhaa isaatti deebi’uuf hojjechaa jiraachuu eeruun,biqiloonni nyaataaf oolaniifi madda galii ta’uu danda’anis dhaabamaa jiraachuu obbo Hayiluun dubbataniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.