Hospitaala Hundagaleessaa Addaa Yuunivarsiitii Dambii Doolloof deeggarsi meeshaalee wal’aansaa taasifame

Finfinnee, Hagayya 23, 2017 (FMC)- Inistiitiyuutii Fayyaa fi Hospitaala Hundagaleessaa Addaa Yuunivarsiitii Dambii Doolloof deeggarsi meeshaalee wal’aansaa Birrii miiliyoona 35 olitti tilmaamamu taasifame.

Deeggarsichi Garee Waldaa Misooma Qellam jedhamurraa kan kenname ta’uu Yuunivarsiitichatti Daayrektarri Hariiroo Hawaasaa fi Idil Addunyaa Gargaraan Pirofeesaraa Mirreessaa Amanuu Faanaa Diijitaaliif himaniiru.

Deeggarsicha yuunivarsiiticha bakka bu’uun kan fuudhan obbo Firoomsaa Alamaayyoo deeggarsi taasifame, Hospitaalichi tajaajila fayyaa si’ataa fi dhaqqabamaa ta’e hawaasa naannawichaaf akka kennuu kan deeggaru ta’uu dubbataniiru.

Deeggarsa garichi taasiseefis galateeffataniiru.

Meeshaaleen kunneen wal’aansa kutaalee murteessoo kanneen akka kutaa dahumsaa, baqaqsanii wal’aanuu fi kunuunsa hatattamaaf kan oolan ta’uu kaasaniiru.

Sirna walharkaa fuudhinsa meeshaalee wal’aansa fayyaa kanarratti Hoggantoonni olaanoo Yuunivarsiitichaa, Kantiibaan Magaalaa Dambii Dolloo, manguddoonnii fi Abbootiin Gadaa argamaniiru.

Tsahaay Gulummaatiin.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.