Itiyoo-Telekoom hojimaata diijitaalaa ‘Teelee Istiriim’ eegalchiise

Finfinnee Guraandhala 13, 2018(FMC)- Itiyoo-Telekoom hojimaata diijitaalaa ‘Teelee Istiriim’ eegalchiiseera.

Sagantaa jalqabsiisa hojimaata kanaa irratti Hojii Raawwachiistuu Olaantuun Itiyoo-Telekoom Fireehiwoot Taammiruun akka jedhanitti dhaabbatichi tajaajila isaa guddisuuf hojjechaa jira.

Hojimaanni diijitaalaa kunis maamiltootaaf faayidaa olaanaa kan kennuufi galii Itiyoophiyaa guddisuu keessatti qooda qaba jedhan.

Carraa hojii haaraa uumuuf, kalaqxoota qabiyyeefi fayyadamummaa diijitaalaa lammiilee guddisuuf murteessaa ta’uus ibsaniiru.

Lammiileen odeeffannoowwan barnootaafi fayyaa haala salphaan akka argataniifi oomishaafi tajaajiloota isaanii akka beeksifataniif kan gargaaru ta’uus dubbataniiru.

Teelee Istiriim tajaajila hunda kan kennu ta’uu eeranii, waliinga’iinsa chaanaaliiwwan biyya keessaa kan babal’isu ta’uus ibsaniiru.

Kenniinsa tajaajila biroodbaandii idilee kan saffisiisu ta’uus eeraniiru.

Yeshaambal Mihiratitu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.