Itiyoophiyaan diinagdee magariisaa waaraa tarsiimoon hogganamu ijaaruuf hojjechaa jirti- Dooktar Alamuu Simee

Finfinnee, Mudde 18, 2018 (FMC) – Itiyoophiyaan diinagdee magariisaa waaraa tarsiimoon hogganamu ijaaruuf hojjechaa jirti jedhan Ministirri Ministeera Geejjibaafi Loojistiksii Dooktar Alamuu Simeen.

Fooramiifi Egzibiishiniin Sosochii Itiyoophiyaatti faalama hiri’suu 2025 eegalameera.

Dooktar Alamuu Simeen wayita kana Fooramiifi Egzibiishinin kun ce’umsa Itiyoophiyaan gara diinagdee magariisaatti taasistuuf agarsiistuu ta’uu ibsan.

Hojii Itiyoophiyaan diinagdee jijjiirama qabeenya qilleensaa dandamatu ijaaruuf hojjechaa jirtu keessatti dameen geejjibaa ce’umsa gaariirratti akka argamu eeraniiru.

Baaburri humna haaromfamaan akka hojjetu gochuu, konkolaattonni moofaan akka biyya hin seenne dhorkuun, lakkoofsa konkolaattota elektirikaa guddisuu danda’uun akkasumas gaaziin oomishamuu eegaluun agarsiistuu ce’umsa kanaa ta’uu kaasaniiru.

Hojiin diinagdee magariisaa Itiyoophiyaa karooraafi bu’an kan lakkaa’amu akka ta’uuf tarsiimoon geejjiba mootora malee waggaa 10 bocamuun hojjetamaa jiraachuu ibsaniiru.

Misooma humna haaromfamaa babal’isuun konkolaattonni elektirikaa kumni 500 bara faranjootaa 2030 hojii akka eegalan gochuuf hojjetamaa jira jedhan.

Dabalataanis boba’aan xiyyaaraa haaromfamaan akka jiraatuuf hojjetamaa jiraachuu ibsaniiru.

Laykun Alamtu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.