Jiruuf Jireenya Qonnaan bultootaafi Horsiisee bultootaa fooyyessuuf kutannoon mootummaa bu’aa qabatamaa galmeesse

Finfinnee, Onkololeessa 8, 2018 (FMC) – Godinaalee 10 aanaalee 23’f  Paampiin bishaanii kumni 1 fi 945 Qonnaan Bultootaa fi Horsiisee bultootaaf dabarfameera.

Godinaaleen Oromiyaa sagantaa seeftineetiin jiraachaa turan yeroo ammaa gara miisoma qonnaatti galchuun midhaan nyaataa eeguu caalaa ofii misoomsuu akka danda’aniif Godinaalee 10 aanaalee 23f  Paampiin bishaanii  1945  misoomaaf oolu bitamuun dabarfamuu Hoogganaan Biiroo Qonnaa Oromiyaa Obbo Geetuu Gammachuu dubbataniiru.

Itti Aanaan Pirizeedaantii Mootummaa Naannoo Oromiyaa Obbo Awwaluu Abdiin paampii bishaanii kanneen dabarsaniiru.

Gargaaramtummaa irraa gara oomishtummaatti  dhaadannoo jedhuun hojiin kutannoo qabu hojjetame bu’aa galmeessuu Obbo Awwaluun dubbataniiru.

Ilaalchi taa’anii deeggaramuu hafee gara oomishtummaatti akka seenaniifi seeftineetii seenaa gochuuf kutannoon akka naannoo Oromiyaatti jiru kan itti fufu ta’uus obbo Awwaluun himaniiru.

Paampiin kun birrii miiloyoona 200 oliin kan bitamanidha.

Baayiluu Baaneetu gabaase

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.