Magaalaa Finfinneetti daldaltoota bittaa seeraan alaa raawwatan irratti hordoffiin cimaan taasifamaa jira

Finfinnee, Hagayya 24, 2017 (FMC)- Bulchiinsa magaalaa Finfinneetti konkolaattoota fe’uumsaa meeshaalee garaagaraa fe’anii bahaniifi galan nagahee seera qabeessa qabachuu isaaniirratti hordoffiin cimaan taasifamaa jira jedhe Biiroon Galii Magaalichaa.

Biirichi Abbaa Taayitaa Bulchiinsa Tiraafika magaalichaa waliin ta’uun sakata’iinsa gaggeessaa jiraachuu Daayrektarri Kominikeeshinii Biirichaa obbo Sawuunat Ayyalaan ibsaniiru.

Sakata’iinsa gaggeeffamaa jiru kunis konkolaattoonni meeshaalee bitamee fe’ameef nagahee seera qabeessa qabachuu isaanii mirkaneessuuf ta’uu dubbataniiru.

Haaluma kanaan torbe tokko keessatti kutaalee magaalichaa garaagaraa keessatti hordoffii taasifameen konkolaattoonni 34 meeshaalee fe’aniif nagahee seera qabeessa kan hin qabanne ta’uu ibsaniiru.

Gocha seeraan ala raawwatameef tarkaanfiin bulchiinsaa fudhatamuu fi meeshaalee fe’aniif nagahee seera qabeessa akka muran taasifamuu hubachiisaniiru.

Hojii hordoffii taasifamaa jiruun konkolaattonni meeshaalee ijaarsaa adda addaa, fi oomishaalee nyaataa fi kan biroo fe’uun bakka bakkatti wayita socho’an nagahee bittaa seera qabeessa ta’e qabachuu isaanii mirkaneeffachuu akka qaban eeraniiru.

Konkolaachisaas ta’e abbaan qabeenyaa meeshaa fe’ee socho’aa jiruuf nagahee seera qabeessa guyya sana murame hojjettoota hordoffiif dirqama agarsiisuu akka qaban hubachiisuu TOI gabaaseera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.