Maree biyyaalessaa keessatti gaheen hayyootaa cimee akka itti fufu gaafatame

Finfinnee, Waxabajjii 9, 2017(FMC )- Adeemsa maree biyyaalessaa Itiyoophiyaa keessatti gaheen hayyootaa cimee akka itti fufu Komishiniin Maree Biyyaalessaa waamicha dhiyeesse.

Mariin biyyaalessaa bu’aa barbaadamu akka argamsiisuuf gaheen hayyoota olaanaa ta’uun ibsameera.

Komishiniin Maree Biyyaalessaa adeemsa maicharratti galtee walitti qabuufi caalmaatti akkaataa waloon hojjechuun danda’amurratti haayyoota waliin mari’achaa jira.

Maricharratti Komishinar Malaakuu Waldamaariyaam akka jedhanitti, adeemsi marichaa sadarkaa biyyaalessaatti akka eegamuufi bu’aa argamsisu keessatti gaheen hayyoota olaanaadha.

Sadarkaa mariin biyyaleessaa amma irra jiruuf gaheen hayyootaa fi yaadni hoggantootaa cimee itti fufuu akka qabu kaasaniiru.

Komishinichi hayyoonni yaa’ii marii biyyaalessaa fuulduratti gaggeeffamurratti hirmaannaa bal’aa akka taasisaniif haaloota mijeessaa jiraachuu dubbataniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.