Muul’isa Diroonii guddaa Ardii Afrikaa Finfinneetti

Finfinnee, Caamsaa 8, 2017(FMC) – Magaalaa Finfinneetti qaama Agarsiisa Teeknooloojii Ityoophiyaa 2025 kan ta’e muul’ifni Diroonii gaggeeffameera.

Dirooniwwan kumni 1 fi 500 Samiitti ol ba’uun sadarkaa guddina dameen Teeknooloojii Itiyoophiyaa irra gahe mul’isaniiru.

Muul’ifni Diroonii galgala kana gaggeeffame kun agarsiisa guddaa Ardii Afrikaa jalqabaati jedhame.

Agarsiisicha Bulchiinsa nageenya odeeffannoo biyyaalessaa fi Inistiityuutiin Hubannoo namtolchee Itiyoophiyaa waloon qopheessituu ibsame.

Agarsiisichi Nageenya Saayibarii, Hubannoo namtolchee, Faayin Teech, Ismaart Siitii fi barnoota Teeknooloojii bu’uura kan godhate dameewwan 5 kan hammate ta’uun eerameera.

Agarsiisa hanga Caamsaa 10, 2017tti turu kana daawwattoonni kumni 10 ol ni daawwatuun eegama.

#Oromia #Ethiopia