Ogummaa dijiitaalaa misoomsuufi bu’uuraalee misoomaa barbaachisoo ijaaruuf tarkaanfii gaarii tarkaanfanneerra- Dooktar Abiy Ahimad

Finfinnee, Fulbaana 29, 2018(FMC)- Itiyoophiyaatti ogummaa dijiitaalaa misoomsuufi bu’uuraalee misoomaa barbaachisoo ta’an ijaaruuf tarkaanfii gaarii tarkaanfanneerra jedhan Ministirri Muummee FDRI Dooktar Abiy Ahimad.

Ministirri Muummee Dooktar Abiy Ahimad ergaa miidiyaa hawaasummaa isaaniin dabarsaniin, guyyaa har’aa Keeniyaa magaalaa Naayiroobiitti Yaa’ii hoggantootaa COMESA 24ffaa mata duree “ Dijiitaalaayizeeshinii guddina walitti hidhamiinsa sona naannawaaf fayyadamuun guddina waaraafi hammataaf oolchuu” jedhuun gaggeeffamerratti ce’umsi dijiitaalaa diinagdee Afrikaa jijjiiruuf carraa addaa akka nuuf dhiyeesse ibseera jedhan.

Akka ardiitti tattaaffiiwwan biyyootaa walitti hidhuufi walitti hidhamiinsota naannawaa saffisiisuuf ogummaafi bu’uura qabna jechuun ibsaniiru.

Itiyoophiyaatti ogummaa dijiitaalaa misoomsuufi bu’uuraalee misoomaa barbaachisan ijaaruuf tarkaanfii gaarii tarkaanfanneerra jedhan.

Egeree dijiitaalaa waloo keenyaa guddisuuf tumsaan hojjechuuf qophiidha jedhaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.