Oromiyaatti qulqullina barnootaa mirkaneessuuf qooda fudhattoota hirmaachisuun hojjetamaa jira- Dooktar Tolaa Bariisoo

Finfinnee, Fulbaana 18, 2018 (FMC) – Naannoo Oromiyaatti qulqullina barnootaa mirkaneessuuf qooda fudhattoota hirmaachisuun hojjetamaa jira jedhan Hogganaan Biiroo Barnootaa Naannichaa Dooktar Tolaa Bariisoon.

Godina Baalee Aanaa Barbareetti Manni Barumsaa Sadarkaa 2ffaa Leedii Ceekataa deeggarsa dhaabbata “ Imagine One Day” fi hirmaannaa hawaasaan Birrii miiliyoona 48 fi kuma 900 oliin ijaarame eebbifameera.

Sagantaa eebba mana barumsichaarratti kan argaman Hogganaan Biiroo Barnootaa Oromiyaa Dooktar Tolaa Bariisoo, naannichatti qulqullina barnootaa mirkaneessuuf qooda fudhattoota garaagaraa hirmaachisuun qaqqabummaa babal’isuuf hojjatamaa jiraachuu ibsan.

Ijaarsi mana barumsaa kanaas tattaaffii taasifamaa jiru kanaaf ragaadha jedhan.

Itiyoophiyaatti Daayrektarri dhaabbata ‘Imagine One Day’ Dooktar Sa’id Amaan gamasaaniin, dhaabbatichi carraaqqii mootummaan waliin gahiinsa barnootaarratti taasisaa jiru tumsuuf hojjechaa jiraachuu dubbataniiru.

Olyaad Ahmedtu Gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.