Oromiyaatti sosochiin sassabbii galii gibiraa bara 2018 eegalame
Finfinnee, Adoolessa 1, 2017 (FMC) –Naannoo Oromiyaatti sosochiin sassabbii galii gibiraa bara 2018 eegalameera.
Haaluma kanaan bulchiinsa magaalaa Adaamaatti bara 2018 galii gibiraa Birri biiliyoona16 fi miiliyoona 600 fi miiliyoona 58 sassabuuf sosochiin gaggeeffameera.
Magaalichatti bara 2017 keessa galii Birrii biiliyoonni12 fi miiliyoonni 500 ol kan sassabbame yoo ta’u,bara kana ammoo Birrii biiliyoona 16 fi miiliyoona 600 fi miiliyoona 58 sassabuuf sosochii sassabbii galii gaggeessaa jiraachuu Itti Gaafatamaan Waajjira Galiiwwanii Magaalaa Adaamaa obbo Balaachoo Asaffaa himaniiru.
Magaalaa Adaamaa magaalaa diingdeen keessatti dagaagu uumuun magaalaa fayyadamummaa uummataa mirkaneessuu dandeessu ijaaruufis xiyyeeffannoon hojjetaa jirra jedhan Kantibaan magaalichaa obbo Hayiluu Jaldeen.
Godina Jimmaattis sassaabbiin galii gibira daldaltoota sadarkaa ‘C’ eegalameera.
Kaffaltiin gibira daldaltoota sadarkaa ‘C’ akka Godina Jimmaatti Aanaa Saqqaa Coqorsaatti eegalchiifameera.
Godinichatti bara kana maddoota galii gara garaa irraa Birrii biiliyoona 9 ol sassaabuuf karoorfamuu Itti Gaafatamaan Waajjira Galiiwwanii Godina Jimmaa obbo Kaasahuun Taaddalaa himaniiru.
Akkasumas bulchiinsa magaalaa Shagar kutaalee garaagaraa keessattis sosochiin sassaabbii galii gibiraa bara 2018 eegalameera.
Faxxanaa Zawudee fi Amiinaa Abdallaatu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.